മുതലമട : കണ്മഷിക്കൂടിന്റെ അടപ്പ് തൊണ്ടയില് കുടുങ്ങി ഒരു വയസ്സുള്ള പെണ്കുഞ്ഞ് മരിച്ചു. മുതലമട പാപ്പാന്ചള്ളയില് അജീഷ് ദീപിക ദമ്പതികളുടെ മകള് ത്രിഷികയാണു മരിച്ചത്. ബുധനാഴ്ച വൈകിട്ടോടെയാണു സംഭവം. ഉടന് കൊല്ലങ്കോട്ടെ സ്വകാര്യ ആശുപത്രി, പാലക്കാട്ടെ ജില്ലാ ആശുപത്രി എന്നിവിടങ്ങളിലെത്തിച്ചു. ജില്ലാ ആശുപത്രിയില് വച്ചു ബോട്ടില് പുറത്തെടുത്തെങ്കിലും കുഞ്ഞിന്റെ ഹൃദയമിടിപ്പു കുറഞ്ഞതിനെ തുടര്ന്നു തൃശൂര് മെഡിക്കല് കോളജ് ആശുപത്രിയിലേക്കു മാറ്റി. ഇവിടെ തീവ്രപരിചരണ വിഭാഗത്തില് ചികിത്സയിലിരിക്കെ വ്യാഴാഴ്ച ഉച്ചയോടെ കുട്ടി മരിച്ചു. ദിവസങ്ങള്ക്കു മുന്പാണു ത്രിഷികയുടെ ഒന്നാം പിറന്നാള് ആഘോഷിച്ചത്. പിതാവ് അജീഷ് എറണാകുളത്തെ സ്വകാര്യ കമ്പനിയില് ജീവനക്കാരനാണ്.