പാലക്കാട്: പാലക്കാട് റബര് ടാപ്പിങിന് പോകുന്നതിനിടെ കാട്ടുപന്നിയുടെ ആക്രമണത്തില് ടാപ്പിംഗ് തൊഴിലാളിക്ക് പരിക്കേറ്റു. മണ്ണാര്ക്കാട് പറമ്പുള്ളിയില് കൊല്ലിയില് ജോയ്ക്കാണ് അപകടമുണ്ടായത്. രാവിലെ 4.30നാണ് സംഭവം. റബര് ടാപ്പിങ്ങിനായി സ്കൂട്ടറില് പോകുന്നതിനിടെ കാട്ടുപന്നി സ്കൂട്ടറില് വന്ന് ഇടിക്കുകയായിരുന്നു. ഇടിയുടെ ആഘാതത്തില് തെറിച്ചു വീണ ഇദ്ദേഹത്തിന് ശരീരമാസകലം സാരമായ പരിക്കേറ്റ് ചികിത്സയിലാണ്.