നവകേരളം പദ്ധതി – സെമിനാര്‍
നവകേരളം പദ്ധതിയുടെ ഭാഗമായി കാലിക്കറ്റ് സര്‍വകലാശാലാ പരിസ്ഥിതി പഠനവകുപ്പ് ‘നവകേരളത്തിനായി കാമ്പസുകള്‍’ എന്ന വിഷയത്തില്‍ സെമിനാര്‍ സംഘടിപ്പിച്ചു. പ്രൊ-വൈസ് ചാന്‍സിലര്‍ ഡോ. എം. നാസര്‍ ഉദ്ഘാടനം ചെയ്തു. നവകേരളം പദ്ധതിയുടെ മാര്‍ഗരേഖ ജിതിന്‍ ടി.വി.എസ്. സര്‍വകലാശാലക്കു സമര്‍പ്പിച്ചു. വകുപ്പു മേധാവി ഡോ. സി.സി. ഹരിലാല്‍, വി.കെ. ഷാമിലി, മന്‍സൂര്‍ പന്തല്ലൂര്‍ക്കാരന്‍, വി. രശ്ബിജഹാന്‍, കെ. നിമിത. എന്നിവര്‍ സംസാരിച്ചു. തുടര്‍ന്ന് ക്വിസ് മത്സരവും നടന്നു.
ഫോട്ടോ – നവകേരളം പദ്ധതി – സെമിനാര്‍ പ്രൊ-വൈസ് ചാന്‍സിലര്‍ ഡോ. എം. നാസര്‍ ഉദ്ഘാടനം ചെയ്യുന്നു. പി.ആര്‍. 170/2023
അസിസ്റ്റന്റ് പ്രൊഫസര്‍ അഭിമുഖം
കാലിക്കറ്റ് സര്‍വകലാശാലാക്കു കീഴില്‍ വയനാട് ചെതലയത്തുള്ള ഇന്‍സ്റ്ററ്റിയൂട്ട് ഓഫ് ട്രൈബല്‍ സ്റ്റഡീസ് ആന്റ് റിസര്‍ച്ചില്‍ സോഷ്യോളജി അസിസ്റ്റന്റ് പ്രൊഫസര്‍ തസ്തികയില്‍ കരാര്‍ നിയമനത്തിനായി 14-ന് നടത്താന്‍ നിശ്ചയിച്ചിരുന്ന അഭിമുഖം 21-ലേക്ക് മാറ്റി. യോഗ്യരായവരുടെ പേരുവിവരങ്ങളും അവര്‍ക്കുള്ള നിര്‍ദ്ദേശങ്ങളും വെബ്‌സൈറ്റില്‍. പി.ആര്‍. 171/2023
പി.ജി./ഇന്റഗ്രേറ്റഡ് പി.ജി. പൊതു പ്രവേശന പരീക്ഷ
(എല്ലാ എഡിഷനുകളിലും പ്രസിദ്ധീകരിക്കുന്നതിന്)
എം.എസ്കാലിക്കറ്റ് സര്‍വകലാശാലാ 2023-24 അദ്ധ്യയന വര്‍ഷത്തെ പഠനവകുപ്പുകളിലെ പി.ജി., ഇന്റഗ്രേറ്റഡ് പി.ജി., വിവിധ സെന്ററുകളിലെയും അഫിലിയേറ്റഡ് കോളേജുകളിലെയും എം.സി.എ., എം.എസ്.ഡബ്ല്യു., ബി.പി.എഡ്., ഇന്റഗ്രേറ്റഡ് ബി.പി.എഡ്., എം.എ. ജേണലിസം ആന്റ് മാസ് കമ്മ്യൂണിക്കേഷന്‍, എം.എസ് സി. ഹെല്‍ത്ത് ആന്റ് യോഗ തെറാപ്പി, എം.എസ് സി. ഫോറന്‍സിക് സയന്‍സ് പ്രവേശനത്തിനുള്ള പൊതുപ്രവേശന പരീക്ഷക്കുള്ള ഓണ്‍ലൈന്‍ രജിസ്‌ട്രേഷന്‍ മാര്‍ച്ച് 13 മുതല്‍ ഏപ്രില്‍ 10 വരെ നടക്കും. മെയ് 18, 19 തീയതികളിലായിരിക്കും. പ്രവേശന പരീക്ഷ. ഫോണ്‍ 0494 2407016, 7017. പി.ആര്‍. 172/2023
പരീക്ഷാ ഫലം
എസ്.ഡി.ഇ. ഒന്നാം സെമസ്റ്റര്‍ എം.എസ് സി. മാത്തമറ്റിക്‌സ് നവംബര്‍ 2020, മെയ് 2021 സപ്ലിമെന്ററി പരീക്ഷകളുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് 23 വരെ അപേക്ഷിക്കാം.
എസ്.ഡി.ഇ. ഒന്നാം സെമസ്റ്റര്‍ എം.എ. സോഷ്യോളജി നവംബര്‍ 2020 റഗുലര്‍, സപ്ലിമെന്ററി പരീക്ഷകളുടെയും ഒന്നാം വര്‍ഷ മെയ് 2021 സപ്ലിമെന്ററി പരീക്ഷയുടെയും ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് 23 വരെ അപേക്ഷിക്കാം.
എം.സി.എ. മൂന്ന് (ലാറ്ററല്‍ എന്‍ട്രി), അഞ്ച് സെമസ്റ്റര്‍ ഏപ്രില്‍ 2022 പരീക്ഷകളുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് 24 വരെ അപേക്ഷിക്കാം. പി.ആര്‍. 173/2023
പരീക്ഷാ അപേക്ഷ
സര്‍വകലാശാലാ അറബിക് പഠനവിഭാഗത്തിലെ പി.ജി. ഡിപ്ലോമ ഇന്‍ ട്രാന്‍സിലേഷന്‍ ആന്റ് സെക്രട്ടേറിയല്‍ പ്രാക്ടീസ് ഇന്‍ അറബിക് (ഫുള്‍ ടൈം റഗുലര്‍), പി.ജി. ഡിപ്ലോമ ഇന്‍ കൊമേഴ്‌സ് ആന്റ് മാനേജ്‌മെന്റ് ഇന്‍ അറബിക് (പാര്‍ട്ട് ടൈം), സര്‍ട്ടിഫിക്കറ്റ് കോഴ്‌സ് ഇന്‍ സ്‌പോക്കണ്‍ അറബിക് മാര്‍ച്ച് 2022 പരീക്ഷകള്‍ക്ക് പിഴ കൂടാതെ 24 വരെയും 170 രൂപ പിഴയോടെ 27 വരെയും നേരിട്ട് അപേക്ഷിക്കാം. പി.ആര്‍. 174/2023
പുനര്‍മൂല്യനിര്‍ണയ ഫലം
നാലാം സെമസ്റ്റര്‍ എം.കോം., എം.എസ് സി. ഇലക്ട്രോണിക്‌സ്, ഏപ്രില്‍ 2022 പരീക്ഷകളുടെയും എം.എസ് സി. കെമിസ്ട്രി ഏപ്രില്‍ 2021 പരീക്ഷയുടെയും ഒന്നാം സെമസ്റ്റര്‍ എം.എസ് സി. പോളിമര്‍ കെമിസ്ട്രി നവംബര്‍ 2021 പരീക്ഷയുടെയും പുനര്‍മൂല്യനിര്‍ണയ ഫലം പ്രസിദ്ധീകരിച്ചു. പി.ആര്‍. 175/2023
