വള്ളിക്കുന്ന് : ഗ്രാമപഞ്ചായത്തിന്റെ ലഹരിമുക്ത വള്ളിക്കുന്ന് ക്യാംപയിനിന്റെ ഭാഗമായി യു.പി സ്‌കൂള്‍ വിദ്യാര്‍ഥികള്‍ക്കായി ഫുട്ബോള്‍ ടൂര്‍ണമെന്റ് സംഘടിപ്പിച്ചു. ടൂര്‍ണ്ണമെന്റിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് എ ഷൈലജ ടീച്ചര്‍ നിര്‍വഹിച്ചു. ആറ് യു.പി സ്‌കൂളുകള്‍ പങ്കെടുത്ത ടൂര്‍ണമെന്റില്‍ എം.വി.എച്ച്.എസ് സ്‌കൂളിനെ എതിരില്ലാത്ത ഒരു ഗോളിന് പരാജയപ്പെടുത്തി എ.യു.പി.എസ് കൊടക്കാട് വിജയികളായി. വിജയിക്കള്‍ക്ക് വള്ളിക്കുന്ന് ഗ്രാമപഞ്ചായത്ത് വൈസ് പ്രസിഡന്റ് മനോജ് കോട്ടാശ്ശേരി, ഗ്രാമപഞ്ചായത്ത് സെക്രട്ടറി സി സന്തോഷ് എന്നിവര്‍ ട്രോഫികള്‍ വിതരണം ചെയ്തു.
ആരോഗ്യ സ്റ്റാന്റിങ് കമ്മിറ്റി ചെയര്‍പേഴ്സണ്‍ എ.പി സിന്ധു അധ്യക്ഷത വഹിച്ചു. എക്സൈസ് പ്രവന്റീവ് ഓഫീസര്‍ ബിജു പാറോല്‍, ഗ്രാമപഞ്ചായത്ത് അംഗങ്ങളായ വി ശ്രീനാഥ്, കെ.വി അജയ്ലാല്‍, ഉഷാ ചേലക്കല്‍, ജൂനിയര്‍ ഹെല്‍ത്ത് ഇന്‍സ്പെക്ടര്‍മാരായ ആര്‍.കെ രമില്‍, പി സുരേഷ്, പി.കെ സ്വപ്ന, യൂത്ത് കോഡിനേറ്റര്‍ ആര്‍ അശ്വന്‍ എന്നിവര്‍ ചടങ്ങില്‍ പങ്കെടുത്തു.