കോഹിനൂര്‍ : കോഹിന്നൂരില്‍ അണ്ടര്‍ പാസ്സ് യഥാര്‍ഥ്യമാക്കണമെന്ന ആവശ്യം ഉന്നയിച്ചു കൊണ്ട് നടക്കുന്ന അണ്ടര്‍ പാസ് സമരം ശക്തമാകുന്നു. സമരസമിതിയുടെ നേതൃത്വത്തില്‍ ഇറങ്ങിയ ജനങ്ങള്‍ ദേശീയ പാതയുടെ പ്രവൃത്തി തടഞ്ഞു. തുടര്‍ന്ന് തേഞ്ഞിപ്പലം സിഐയുമായി നടന്ന ചര്‍ച്ചയില്‍ ആഗസ്റ്റ് 2 വരെ താല്‍ക്കലികമായി കോഹിനൂരില്‍ പ്രവൃത്തി നിര്‍ത്തി വെക്കാന്‍ തീരുമാനിച്ചു.
പ്രവൃത്തി നടക്കുന്ന 500 മീറ്ററില്‍ സ്ഥലങ്ങളില്‍ ജനകിയ സമര സമിതിയുടെ കൊടിനാട്ടുകയും ജനകീയ സമിതിയുടെ നേതൃത്വത്തില്‍ കോഹിനൂരില്‍ പ്രകടനം നടത്തുകയും ചെയ്തു. സമര സമിതി ചെയര്‍മാന്‍ പിടി ഇബ്രാഹിം, പഞ്ചായത്ത് വൈസ് പ്രസിഡണ്ട് മിനി, അംഗങ്ങളായ ധനജ്‌ഗോപിനാഥ്, ജാഫര്‍ , നസിമ യൂനുസ് തുടങ്ങിയവര്‍ നേതൃത്വം നല്‍കി