ചേളാരി : 2026 ഫെബ്രുവരി 04 മുതൽ 08 വരെ കാസർഗോഡ് കുണിയയിൽ നടക്കുന്ന സമസ്ത നൂറാം വാർഷിക മഹാ സമ്മേളനം ചരിത്ര സംഭവമാക്കാൻ കർമ്മ രംഗത്തിറങ്ങണമെന്ന് പാണക്കാട് സയ്യിദ് ഹമീദലി ശിഹാബ് തങ്ങൾ അഭ്യർത്ഥിച്ചു. സമസ്തയുടെ പ്രവർത്തനം സമൂഹത്തിന് എന്നും ആവേശമാണ്. അഹ്‌ലുസ്സുന്നത്തി വൽജമാഅത്തിന്റെ ആശയാദർശം സമൂഹത്തിൽ പ്രചരിപ്പിക്കുക എന്നതാണ് സമസ്തയുടെ മുഖ്യ ലക്ഷ്യം. പ്രസ്തുത ആദർശത്തിൽ അടിയുറച്ച് നിന്ന് കൊണ്ട് ഐക്യത്തോടെ സമ്മേളന പ്രവർത്തനങ്ങളിൽ എല്ലാവരും സജീവമാകണമെന്ന് തങ്ങൾ പറഞ്ഞു. പ്രചരണം, മീഡിയ, പഠന ക്യാമ്പ് എന്നീ സബ്ബ് കമ്മിറ്റികളുടെ ശിൽപശാല ചേളാരിയിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമ്മേളന പ്രചരണവുമായി ബന്ധപ്പെട്ട് നേതിക്കളുടെ ഗ്ലോബൽ പര്യടനം, സന്ദേശ യാത്രകൾ, ജില്ലാ സംഗമങ്ങൾ , വിപണന മേളകൾ തുടങ്ങിയവ പഠനക്യാമ്പിൽ ഓൺലൈൻ രജിസ്ട്രേഷനിലൂടെ 33000 പേർ പങ്കെടുക്കും പ്രചരണ സമിതി കൺവീനർ പി എം അബ്ദുസ്സലാം ബാഖവി അധ്യക്ഷത വഹിച്ചു. പഠന ക്യാമ്പ് സമിതി കൺവീനർ അബ്ദുറഹ്മാൻ ഫൈസി അരിപ്ര മുഖ്യ പ്രഭാഷണം നിർവഹിച്ചു. കോഡിനേറ്റർ കെ മോയിൻകുട്ടി മാസ്റ്റർ ആമുഖ പ്രസംഗം നടത്തി. അബ്ദുൽ ഹമീദ് ഫൈസി അമ്പലക്കടവ്, സയ്യിദ് ഹാശിറലി ശിഹാബ് തങ്ങൾ പാണക്കാട്, ഒ. പി എം അശ്റഫ് കുറ്റിക്കടവ്, മുസ്തഫ മാസ്റ്റർ മുണ്ടുപാറ, ശുഐബ് തങ്ങൾ മേലാറ്റൂർ, എംപി മുഹമ്മദ് മുസ്‌ലിയാർ കടുങ്ങല്ലൂർ, താജുദ്ദീൻ ദാരിമി പടന്ന, മുസ്തഫ അശ്റഫി കക്കുപ്പടി, പ്രസംഗിച്ചു. കെ ടി ഹുസൈൻ കുട്ടി മുസ്‌ലിയാർ കോടൂർ നന്ദി പറഞ്ഞു.