തിരൂരങ്ങാടി: മമ്പുറം ഖുഥ്ബുസ്സമാന് സയ്യിദ് അലവി മൗലദ്ദവീല തങ്ങളുടെ 184-ാമത് ആണ്ടുനേര്ച്ച 2022 ജൂലൈ 30 (ശനി) മുതല് ആഗസ്റ്റ് 6 (ശനി) കൂടിയ ദിവസങ്ങളില് വിപുലമായി നടത്താന് ദാറുല്ഹുദായില് ചേര്ന്ന മാനേജിംഗ് കമ്മിറ്റി യോഗത്തില് തീരുമാനിച്ചു.
മമ്പുറം മഖാം ദാറുല്ഹുദാ ഏറ്റെടുത്തതിനു ശേഷമുള്ള 24-ാമത്തെ ആണ്ടുനേര്ച്ചയാണ് ഇത്തവണ നടക്കുക.
പ്രസിഡന്റ് സയ്യിദ് സ്വാദിഖലി ശിഹാബ് തങ്ങള് അധ്യക്ഷത വഹിച്ചു. വൈസ് പ്രസിഡന്റ് സയ്യിദ് മുഹമ്മദ് കോയ തങ്ങള് ജമലുല്ലൈല്, ജന. സെക്രട്ടറി യു.ശാഫി ഹാജി ചെമ്മാട്, ട്രഷറര് കെ.എം സൈതലവി ഹാജി പുലിക്കോട് മറ്റു കമ്മിറ്റി അംഗങ്ങളും പങ്കെടുത്തു.