പരപ്പനങ്ങാടി : പരപ്പനങ്ങാടി നഗരസഭ കേരളോത്സവത്തിന്റെ ഭാഗമായി നടക്കുന്ന അത്‌ലറ്റിക്‌സ് മത്സരങ്ങള്‍ക്ക് ചുടല പറമ്പ് ഗ്രൗണ്ടില്‍ തുടക്കമായി. പരപ്പനങ്ങാടി നഗരസഭ ചെയര്‍മാന്‍ പി പി ഷാഹുല്‍ ഹമീദ് പരിപാടി ഉദ്ഘാടനം ചെയ്തു. വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ സി നിസാര്‍ അഹമ്മദ് അധ്യക്ഷത വഹിച്ചു.
താനൂര്‍ നഗരസഭ ചെയര്‍മാന്‍ റഷീദ് മോര്യ മുഖ്യാതിഥിയായി പങ്കെടുത്തു. താനൂര്‍ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ മുസ്തഫ, കൗണ്‍സിലര്‍മാരായ ഷമേജ്, ബേബി അച്യുതന്‍, ജൈനിഷ, അസീസ് കൂളത്ത്, നൗഷാദ് താനൂര്‍, കുഞ്ഞികോയ, അരവിന്ദന്‍, മനോജ് മാഷ് എന്നിവര്‍ സംസാരിച്ചു.