തിരൂരങ്ങാടി: പുകയൂർ ഗവൺമെന്റ് എൽ.പി സ്കൂൾ വിദ്യാർത്ഥികൾ ദേശീയ പക്ഷി നിരീക്ഷണ ദിനം ആചരിച്ചു.വിഖ്യാത പക്ഷി നിരീക്ഷകൻ ഡോ: സാലിം അലിയുടെ ജന്മദിനമായ നവംബർ 12 അദ്ദേഹത്തിന്റെ സ്മരണാർത്ഥം ദേശീയ പക്ഷി നിരീക്ഷണ ദിനമായി ആചരിക്കുന്നു. വിദ്യാർത്ഥികൾക്കായി പക്ഷി നിരീക്ഷണം, നിരീക്ഷണ കുറിപ്പ്, പതിപ്പ് നിർമ്മാണം, പ്രശ്നോത്തരി, ഡോക്യുമെന്ററി പ്രദർശനം എന്നിവ സംഘടിപ്പിച്ചു.അധ്യാപകരായ സി.ശാരി,കെ.റജില,പി.വി ത്വയ്യിബ എന്നിവർ പ്രവർത്തനങ്ങൾക്ക് നേതൃത്വം നൽകി.