![](https://tirurangaditoday.in/wp-content/uploads/2023/05/WhatsApp-Image-2023-05-19-at-4.13.26-PM.webp)
തിരുവനന്തപുരം: ഈ വര്ഷത്തെ എസ് എസ് എല് സി പരീക്ഷ ഫലം പ്രഖ്യാപിച്ചു. 99.70 ശതമാനമാണ് വിജയം. 0.44 ശതമാനം വര്ധനവാണ് ഉണ്ടായിരിക്കുന്നത്. ആകെ 419128 വിദ്യാര്ത്ഥികള് പരീക്ഷ എഴുതിയതില് 4,17,864 വിദ്യാര്ഥികള് ഉപരിപഠനത്തിന് യോഗ്യത നേടി. 68604 വിദ്യാര്ത്ഥികള് ഫുള് എ പ്ലസ് നേടി. ഏറ്റവും കൂടുതല് എ പ്ലസ് നേടിയ വിദ്യാര്ത്ഥികള് മലപ്പുറം ജില്ലയിലാണ്. 4856 പേര് ആണ് എ പ്ലസ് നേടിയത്. കണ്ണൂരാണ് വിജയശതമാനം ഏറ്റവും കൂടിയ റവന്യൂ ജില്ല (99.94). വയനാട് ജില്ലയിലാണ് ഏറ്റവും കുറവ് വിജയശതമാനം ( 98.41). പാലാ, മൂവാറ്റുപുഴ ഉപജില്ലകളില് 100% ആണ് വിജയം.
ഏറ്റവും കൂടുതല് കുട്ടികള് പരീക്ഷ എഴുതിയ എടരിക്കോട് സ്കൂള് 100 വിജയം നേടി. 1876 വിദ്യാര്ത്ഥികളാണ് ഇവിടെ പരീക്ഷയെഴുതിയത്. 951 സര്ക്കാര് സ്കൂളുകളിലെ മുഴുവന്വിദ്യാര്ത്ഥികളും ഉപരിപഠനത്തിന് അര്ഹത നേടി. 2581 സ്കൂളുകളാണ് നൂറ് ശതമാനം വിജയം നേടിയത്.
4,19,362 റഗുലര് വിദ്യാര്ത്ഥികളും 192 പ്രൈവറ്റ് വിദ്യാര്ത്ഥികളുമാണ് ഈ വര്ഷം എസ്എസ്എല്സി പരീക്ഷ എഴുതിയത്. ഇതില് 2,13,801 പേര് ആണ്കുട്ടികളും 2,05,561 പേര് പെണ്കുട്ടികളുമാണ്. സര്ക്കാര് സ്കൂളുകളിലായി ആകെ 1,40,703 കുട്ടികളാണ് പരീക്ഷ എഴുതിയത്. ഇതില് 72,031 ആണ്കുട്ടികളും 68,672 പെണ്കുട്ടികളുമാണ്. എയിഡഡ് സ്കൂളുകളില് ആകെ 2,51,567 കുട്ടികളാണ് പരീക്ഷ എഴുതിയത്. 1,27,667 ആണ്കുട്ടികളും 1,23,900 പെണ്കുട്ടികളുമാണ്. അണ് എയിഡഡ് സ്കൂളുകളില് ആകെ 27,092 കുട്ടികള് പരീക്ഷ എഴുതി. 14,103 ആണ്കുട്ടികളും 12,989 പെണ്കുട്ടികളുമാണുള്ളത്.