ഇനി ഔദ്യോഗികം; സംസ്ഥാനത്ത് ലോഡ് ഷെഡിംഗ് വീണ്ടും; വൈകിട്ട് 6 മുതല് രാത്രി 12 വരെ അര മണിക്കൂര് കട്ടിന് തീരുമാനം
അപ്രഖ്യാപിത ലോഡ് ഷെഡിങ് എന്നത് മാറി സംസ്ഥാനത്ത് ഇനി അരമണിക്കൂർ വൈദ്യുത നിയന്ത്രണം ഏർപ്പെടുത്തും.
വൈകിട്ട് ആറു മണി മുതല് പന്ത്രണ്ട് മണിവരെയുള്ള സമയത്ത് അരമണിക്കൂർ വൈദ്യുതി മുടങ്ങുമെന്നാണ് കെഎസ്ഇബി ഔദ്യോഗികമായി പ്രഖ്യാപിച്ചിരിക്കുന്നത്.
ഇന്ന് ചേർന്ന കെഎസ്ഇബി കോർ കമ്മിറ്റി യോഗത്തിലാണ് ഇത് സംബന്ധിച്ച തീരുമാനം ഉണ്ടായത്. പീക്ക് അവറില് വാഹന ചാർജിങ് പാടില്ലെന്നും എസി താപ നില 24നും 26നും ഇടക്ക് ക്രമീകരിക്കണമെന്നും നിര്ദേശമുണ്ട്.
വൈദ്യുതി വിതരണം തടസ്സരഹിതമായി നിർവഹിക്കാൻ ഉപഭോക്താക്കളുടെ സഹകരണം കെഎസ്ഇബി അഭ്യർഥിച്ചു. വൈദ്യുതി വാഹനങ്ങളുടെ ചാർജിങ് വൈകുന്നേരം 6 മുതല് രാത്രി 12 വരെ പൂർണമായി ഒഴിവാക്കി പകല് സമയത്തേക്ക് ക്രമീകരിക്കണം. നിലവിലെ സാഹചര്യത്തില് രാത്രി എസിയുടെ ഉപയോഗം ഒഴിവാക്കാനാവില്ല എന്നതിനാല് താപനില 24 മുതല് 26 ഡിഗ്രി സെല്ഷ്യസ് വരെയാക്കി നിലനിർത്തണമെന്നും അധികൃതർ അഭ്യർഥിച്ച...
