വേനല് ചൂടില് അനധികൃത പവര്ക്കട്ട് പീഢനം: പ്രതിഷേധവുമായി യൂത്ത്ലീഗ്
തിരൂരങ്ങാടി: കടുത്ത വേനലില് ജനങ്ങളെ ദുരിതത്തിലാഴ്ത്തുന്ന അനിയന്ത്രിതവും അപ്രഖ്യാപിതവുമായ വൈദ്യുതി മുടക്കത്തിനെതിരെ പ്രതിഷേധവുമായി മുസ്ലിം യൂത്ത്ലീഗ്. തിരൂരങ്ങാടി മണ്ഡലം മുസ്ലിം യൂത്ത്ലീഗ് കമ്മിറ്റിയുടെ നേതൃത്വത്തിലാണ് വെന്നിയൂര് കെ.എസ്.ഇ.ബി ഡിവിഷന് ഓഫീസിലെത്തി പ്രതിഷേധമറീയിച്ചത്. എക്സിക്യൂട്ടീവ് എഞ്ചിനിയര് കെ.എം. സുഭജയെയും മറ്റു ഉദ്യോഗസ്ഥരെയും നേരില് കണ്ടു പ്രതിഷേധമറിയിക്കുകയും വിശദമായ പരാതി സമര്പ്പിക്കുകയും ചെയ്തു.വെന്നിയൂര് കെ.എസ്.ഇ.ബി ഭവനിലെ എക്സിക്യൂട്ടീവ് എഞ്ചിനിയറുടെ ചേംബറില് ഉദ്യോഗസ്ഥരുടെ യോഗം നടക്കുന്നതിനിടെയാണ് യൂത്ത്ലീഗ് പ്രവര്ത്തകര് പ്രതിഷേധവുമായി എത്തിയത്. രാത്രിയോ പകലോ എന്ന വ്യത്യാസമില്ലാതെ നിരന്തരം വൈദ്യുതി മുടങ്ങുന്നത് ജനങ്ങളുടെ ദൈനംദിന ജീവിതത്തെ ഗുരുതരമായി ബാധിച്ചിരിക്കയാണ്. ഒരു ദിവസം തന്നെ ഇരുപതിലും മുപ്പതിലും കൂടുതല് തവണ വൈദ്യുതി മുടങ്ങുന്ന സാഹചര്യം അംഗീകരിക്...