സമസ്തയുടെ പ്രവര്ത്തനങ്ങളെ ഏറ്റെടുത്ത് നടത്താനുള്ള ഏറ്റവും സുരക്ഷിതമായ സംവിധാനമാണ് എസ്.എം.എഫ്: പാണക്കാട് സയ്യിദ് സാദിഖലി ശിഹാബ് തങ്ങള്
എസ്.എം.എഫ് ഗോള്ഡന് ജൂബിലി ആഘോഷങ്ങള്ക്ക് പ്രൗഢമായ തുടക്കം
ചെമ്മാട്: സമസ്തയുടെ പ്രവര്ത്തനങ്ങളെ ഏറ്റെടുത്ത് നടത്താനുള്ള ഏറ്റവും സുരക്ഷിതമായ സംവിധാനമാണ് സുന്നി മഹല്ല് ഫെഡറേഷനെന്ന് പാണക്കാട് സയ്യിദ് സ്വാദിഖലി ശിഹാബ് തങ്ങള്. സയ്യിദ് ഹെെദരലി ശിഹാബ് തങ്ങൾ നഗരി ദാറുൽഹുദായിൽ നടന്ന സമസ്ത കേരള സുന്നി മഹല്ല് ഫെഡറേഷന് ഗോള്ഡന് ജൂബിലി ആഘോഷങ്ങളുടെ ഉദ്ഘാടം നിര്വഹിച്ചു സംസാരിക്കുകയായിരുന്നു അദ്ദേഹം. ഇസ്ലാമിന്റെ പ്രത്യയശാസ്ത്രപരമായ ബോധം കാത്തുസൂക്ഷിക്കാന് സമസ്ത കേരള ജംഇയ്യത്തുല് ഉലമയുടെ പണ്ഡിതന്മാരിലൂടെ നമുക്ക് സാധിച്ചു എന്നും അദ്ദേഹം കൂട്ടിച്ചേര്ത്തു. എസ്.എം.എഫ് സംസ്ഥാന വൈസ് പ്രസിഡന്റും സമസ്ത കേരള ജംഇയ്യത്തുല് ഉലമാ കേന്ദ്ര മുശാവറാംഗവുമായ ഡോ.ബഹാഉദ്ദീന് മുഹമ്മദ് നദ്വി അധ്യക്ഷനായി.
സമസ്ത കേരള ജംഇയ്യത്തുല് ഉലമാ സെക്രട്ടറി എംടി അബ്ദുല്ല മുസ് ലിയാര് മുഖ്യ പ്രഭാഷണം നിര്വഹിച്ചു. പാണക്ക...