ദാറുല്ഹുദായില് വിപുലീകരിച്ച ഓഫീസുകളുടെ ഉദ്ഘാടനം പാണക്കാട് സാദിഖലി ശിഹാബ് തങ്ങൾ നിര്വഹിച്ചു
തിരൂരങ്ങാടി: ചെമ്മാട് ദാറുല്ഹുദാ ഇസ്്ലാമിക് യൂനിവേഴ്സിറ്റിയിലെ വിപുലീകരിച്ച Public Relations, Hamsafar, Welfare Department ഓഫീസുകളുടെ ഉദ്ഘാടനം സ്ഥാപനത്തിന്റെ ചാന്സലര് കൂടിയായ ബഹു. പാണക്കാട് സയ്യിദ് സ്വാദിഖ് അലി ശിഹാബ് തങ്ങള് നിര്വഹിച്ചു.
യൂനിവേഴ്സിറ്റിയുടെ സേവന-ഭരണ പ്രവര്ത്തനങ്ങള് കൂടുതല് കാര്യക്ഷമമാക്കുന്നതിനും വിദ്യാര്ത്ഥി-സമൂഹ ബന്ധങ്ങള് ശക്തിപ്പെടുത്തുന്നതിനും വേണ്ടിയാണ് ഓഫീസുകള് വിപുലീകരിച്ചത്.
ഉദ്ഘാടന ചടങ്ങില് വൈസ് പ്രസിഡന്റ് സയ്യിദ് മുഹമ്മദ് കോയ തങ്ങള് ജമലുല്ലൈല് അധ്യക്ഷത വഹിച്ചു. ജനറല് സെക്രട്ടറി യു. മുഹമ്മദ് ശാഫി ഹാജി, പി.എസ്.എച്ച് തങ്ങള് സംസാരിച്ചു.സെക്രട്ടറി സി.എച്ച് മുഹമ്മദ് ത്വയ്യിബ് ഫൈസി പുതുപ്പറമ്പ്, അക്കാദമിക് രജിസ്ട്രാര് റഫീഖ് ഹുദവി കരിമ്പനക്കല്, എക്സാം കണ്ട്രോളര് പി.കെ അബ്ദുന്നാസര് ഹുദവി കൈപ്പുറം, എക്സിക്യൂട്ടീവ് അംഗങ്ങളായ സി.കെ മുഹമ്മദ് ഹാ...