മൺപാത്ര നിർമ്മാണ കരകൗശല തൊഴിലാളികളുടെ പ്രശ്നങ്ങൾ പരിഹരിക്കും പ്രിയങ്കാ ഗാന്ധി എംപി
പരമ്പരാഗത മൺപാത്ര നിർമ്മാണത്തിൽ ഏർപ്പെട്ടിരിക്കുന്ന കരകൗശല തൊഴിലാളികൾ നേരിടുന്ന വിവിധ പ്രശ്നങ്ങൾക്ക് പരിഹാരം കാണുമെന്ന് പ്രിയങ്കാ ഗാന്ധി വാദ്ര എം.പി പറഞ്ഞു. ഈ മേഖലയിലെ പ്രശ്നങ്ങൾ പരിഹരിക്കുന്നതിനും തൊഴിലാളികളുടെ ഉന്നമനത്തിനുമായി സ്വീകരിക്കാവുന്ന മാർഗ്ഗങ്ങൾ ചർച്ച ചെയ്യുന്നതിനായിനിലമ്പൂർ കെ.ടി.ഡി.സി ടാമറിൻഡിൽ ചേർന്ന യോഗത്തിൽ സംസാരിക്കുകയായിരുന്നു എം.പി. കളിമണ്ണിൻ്റെ ലഭ്യതക്കുറവ്, ന്യായമായ വില ലഭിക്കാത്തത്, യന്ത്രവൽകരണത്തിൻ്റെയും ആധുനിക വിപണന തന്ത്രങ്ങളുടെയും അഭാവം, ഗതാഗത ചെലവിൻ്റെ വർദ്ധന തുടങ്ങി വിവിധ പ്രശ്നങ്ങൾ ഈ മേഖലയിൽ അനുഭവപ്പെടുന്നുണ്ട്. നിലമ്പൂരിലും പരിസര പ്രദേശങ്ങളിലും പാത്രനിർമ്മാണത്തിന് ഉപയോഗിക്കാവുന്ന കളിമണ്ണ് ഉണ്ടെകിലും എടുക്കാനാവുന്നില്ല. ലൈസൻസ് ഉള്ള രുെ കരകൗശല തൊഴിലാളിക്ക് 50 മെട്രിക് ടൺ മണ്ണ് അനുവദിക്കാവുന്നതാണ്. എന്നാൽ ലൈസൻസുള്ളവർ നന്നേ കുറവാണ്. ഈ സാഹചര്യത്തിൽ വൈദഗ്ധ്യമുള്ളവർ...