കുടിവെള്ള പദ്ധതിക്കായി കീറിയ കുഴിയിൽ വീണ് പരിക്കേറ്റ സ്കൂട്ടർ യാത്രക്കാരൻ മരിച്ചു
തിരൂരങ്ങാടി: മകനൊപ്പം സ്കൂട്ടറിൽ പോകുമ്പോൾ സ്കൂട്ടർ റോഡിൽ തെന്നി വീണ് പരിക്കേറ്റ ചുമട്ടു തൊഴിലാളി മരിച്ചു. ചെമ്മാട് എക്സ്ചേഞ്ച് റോഡ് കോട്ടുവാലക്കാട് സ്വദേശി കുന്നത്തേരി മുസ്തഫ (60) ആണ് മരിച്ചത്. കഴിഞ്ഞ 9 ന് രാത്രി 11 മണിക്ക് ചെമ്മാട് കക്കാട് റോഡിൽ ചന്തപ്പടിയിൽ വെച്ചാണ് അപകടം. കുടിവെള്ള പദ്ധതിക്കായി റോഡിൽ കുഴിച്ച കുഴിയിൽ തെന്നി വീണതെന്നാണ് നാട്ടുകാർ പറയുന്നത്. വണ്ടി തെന്നി മുസ്തഫയും മകൻ ഷുഹൈബും റോഡിലേക്ക് തെറിച്ചു വീണു. പരിക്കേറ്റ മുസ്തഫ കോട്ടക്കൽ സ്വകാര്യ ആശുപത്രിയിൽ ചികിത്സയിൽ ആയിരുന്നു. ഇന്നലെ രാത്രി 11 മണിയോടെ മരണപ്പെട്ടു. ചെമ്മാട് ടൗണിൽ സിഐടിയു യൂണിയൻ ചുമട്ടു തൊഴിലാളി ആയിരുന്നു. മയ്യിത്ത് ഇന്ന് കബറടക്കും.
കുടിവെള്ള പദ്ധതിക്ക് പൈപ്പിടാൻ കീറിയ കുഴി നന്നാക്കാത്തത് അപകടങ്ങൾ ഉണ്ടാക്കുന്നുണ്ട്. നിരവധി തവണ പരാതി നൽകിയിട്ടും പരിഹാരം കണ്ടിട്ടില്ല....