സ്വർണവും പണവും തട്ടിയെടുത്തു; വളാഞ്ചേരി വനിത എ എസ്ഐ യെ അറസ്റ്റ് ചെയ്തു
കുറ്റിപ്പുറം : സ്വർണവും പണവും തട്ടിയെടുത്തെന്ന പരാതിയിൽ വനിത എസ് ഐ അറസ്റ്റിൽ. വളാഞ്ചേരി പോലീസ് സ്‌റ്റേഷനിലെ വനിത അസി എസ്.ഐയെ യാണ് ഒറ്റപ്പാലം പോലീസ് അറസ്റ്റ് ചെയ്തത്. മുംബൈ മലയാളിയായ പഴയന്നൂർ സ്വദേശിയായ സ്ത്രീയുടെ 93 പവൻ സ്വർണാഭരണങ്ങളും ഒറ്റപ്പാലം സ്വദേശിയുടെ കയ്യിൽ നിന്നും അഞ്ച് ലക്ഷം രൂപയും തട്ടിയെടുത്തെന്നാണ് പരാതി. തവനൂർ മനയിലെ 47 കാരിയായ ആര്യശ്രീയെയാണ് അറസ്റ്റ് ചെയ്തത്. പരാതിയുടെ അടിസ്ഥാനത്തിൽ ഒറ്റപ്പാലം സി.ഐ എം. സുജിത്ത് ആര്യശ്രീയെ വിളിച്ചു വരുത്തി അറസ്റ്റ് രേഖപ്പെടുത്തുകയായിരുന്നു. അറസ്റ്റ് ചെയ്ത ആര്യശ്രീ റിമാന്റിലാണ്. വളാഞ്ചേരി പോലീസ് സ്‌റ്റേഷനിലെ അസി. എസ്.ഐയായ ആര്യശ്രീയെ സസ്‌പെന്റ് ചെയ്തതായും പോലീസ് അറിയിച്ചു....