ആം ആദ്മി പാര്‍ട്ടി തിരൂരങ്ങാടി മണ്ഡലം കമ്മിറ്റി രക്തദാന ക്യാമ്പ് സംഘടിപ്പിച്ചു
തിരൂരങ്ങാടി: ആം ആദ്മി പാര്‍ട്ടി തിരൂരങ്ങാടി മണ്ഡലം കമ്മിറ്റി തിരൂര്‍ ജില്ലാ ആശുപത്രിയുമായി സഹകരിച്ച് കൊടിഞ്ഞി അക്ബര്‍ ഓഡിറ്റോറിയത്തില്‍ രക്തദാന ക്യാമ്പ് സംഘടിപ്പിച്ചു. ബ്ലഡ് ബാങ്ക് മെഡിക്കല്‍ ഓഫീസര്‍ ഡോ: ഫാത്തിമ നസ്‌റീന്‍ അബ്ദുസ്സലാം കളത്തിങ്ങലിന്റെ രക്തം സ്വീകരിച്ചു കൊണ്ട് ക്യാമ്പ് ഉദ്ഘാടനം ചെയ്തു.
മണ്ഡലത്തിന്റെ വിവിധ ഭാഗങ്ങളില്‍ നിന്നുള്ള പാര്‍ട്ടി പ്രവര്‍ത്തകരും മറ്റും രക്തദാനത്തില്‍ പങ്കെടുത്തു. അക്ബര്‍ കൊടിഞ്ഞി, സാദിഖ് തെയ്യാല, അബ്ബാസ് കൊടിഞ്ഞി എന്നിവര്‍ പരിപാടിക്ക് നേതൃത്വം നല്‍കി. ക്യാമ്പ് വന്‍ വിജയമാക്കിയ എല്ലാവര്‍ക്കും മണ്ഡലം സെക്രട്ടറി അബ്ദുല്‍ റഹീം പൂക്കത്ത് നന്ദി അറിയിച്ചു. 17 തിയ്യതി നടക്കുന്ന പരിപാടിയില്‍ എഎപി സംസ്ഥാന പ്രസിഡണ്ട് രക്തദാതാക്കള്‍ക്കുള്ള സര്‍ട്ടിഫിക്കറ്റ് വിതരണം ചെയ്യും.
...
