ശൈഖ് അബുല്‍ ഹസന്‍ അലി നദ്‌വിയുടെ സംഭാവനകൾ അമൂല്യം : ഡോ. ഹുസൈന്‍ മടവൂര്‍
ചിന്തകൊണ്ടും പ്രതിഭാവിലാസം കൊണ്ടും ലോകത്തെ വിസ്മയിപ്പിച്ച പണ്ഡിതനായ ശൈഖ് അബുല്‍ ഹസന്‍ അലി നദ്‌വി ഇന്ത്യ ചരിത്രത്തില്‍ മാത്രമല്ല ലോക ചരിത്രത്തില്‍ തന്നെ അത്ഭുതമാണെന്ന് ഡോ. ഹുസൈന്‍ മടവൂര്‍ അഭിപ്രായപ്പെട്ടു. ഇന്ത്യയില്‍ അറബി ഭാഷക്കും സാഹിത്യത്തിനും മൗലാന അബുല്‍ ഹസന്‍ അലി നദ്‌വിയുടെ സംഭാവനകള്‍ സംബന്ധിച്ച് കാലിക്കറ്റ് സര്‍വകലാശാല അറബി പഠനവകുപ്പും റാബ്വിത്വ-അല്‍-അദബ്-അല്‍-ഇസ്ലാമി കേരള ചാപ്റ്ററും സംയുക്തമായി സംഘടിപ്പിച്ച ദ്വിദിന ദേശീയ സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
അറബി ഭാഷക്ക് ഇന്ത്യ നല്‍കിയ മികച്ച സംഭാവനയാണ് ശൈഖ് അബുല്‍ ഹസന്‍ അലി നദ്‌വി. വശ്യ സുന്ദരമായ അറബി ഭാഷയില്‍ അദ്ദേഹം രചിച്ച ഗ്രന്ഥങ്ങള്‍ അറബ് ലോകത്തിന്റെ അംഗീകാരം നേടിയവയാണ്. മാനവികതയും സാഹിത്യവും സംസ്കാരവും ചരിത്രവും ധൈഷണിക തലത്തില്‍ സമന്വയിപ്പിച്ച ശൈഖ് അബുല്‍ ഹസന്‍ അലി നദ്‌വിയുടെ ചിന്തകള്‍ ഇന്നും സജീവമായ...
