സൈബര്‍ തട്ടിപ്പ് ; 2.67 കോടി രൂപ തട്ടിയ കേസില്‍ മൂന്ന് മലപ്പുറം സ്വദേശികള്‍ പിടിയില്‍
ആലപ്പുഴ : സൈബര്‍ തട്ടിപ്പിലൂടെ മാന്നാര്‍ സ്വദേശിക്ക് 2.67 കോടി രൂപ നഷ്ടമായ സംഭവത്തില്‍ മലപ്പുറം സ്വദേശികളായ 3 പേര്‍ അറസ്റ്റില്‍. ഓണ്‍ലൈന്‍ ട്രേഡിങ്ങിന്റെ പേരില്‍ കബളിപ്പിച്ചു തട്ടിയെടുത്ത തുക ബാങ്ക് അക്കൗണ്ടില്‍നിന്നു പിന്‍വലിക്കാനാണ് ഇവര്‍ സഹായിച്ചതെന്നു ജില്ലാ ക്രൈംബ്രാഞ്ച് ഉദ്യോഗസ്ഥര്‍ അറിയിച്ചു. മലപ്പുറം കാവന്നൂര്‍ സ്വദേശികളായ ഏലിയാപറമ്പില്‍ ഷമീര്‍ പൂന്തല (38), വാക്കാലൂര്‍ കിഴക്കേത്തല കടവിടനടുത്ത് അടക്കണ്ടിയില്‍ അബ്ദുല്‍ വാജിദ് (23), പൂന്തല വീട്ടില്‍ ഹാരിസ് (ചെറിയോന്‍ 35) എന്നിവരാണ് അറസ്റ്റിലായത്.
വിദേശ സര്‍വീസിനു ശേഷം നാട്ടിലെത്തി വിശ്രമ ജീവിതം നയിക്കുന്നയാളാണു തട്ടിപ്പിനിരയായത്. കഴിഞ്ഞവര്‍ഷം ഡിസംബര്‍ മുതല്‍ ജനുവരി 20 വരെ 32 ഇടപാടുകളിലായി 2.67 കോടി രൂപയാണ് ഇദ്ദേഹത്തില്‍ നിന്നു തട്ടിയെടുത്തത്. ഓണ്‍ലൈന്‍ ട്രേഡിങ്ങിനു ക്ഷണിച്ചു ഫോണിലെ ടെലിഗ്രാം ആപ്പില്‍ വന്ന സന്ദേശത്തില്‍ വിശ്വസിച്ച...
