വാല്പ്പാറയില് അഞ്ചുവയസുകാരനെ പുലി ആക്രമിച്ചു ; ഗുരുതരമായി പരിക്കേറ്റ കുട്ടി ആശുപത്രിയില്, ദേഹമാസകലം മുറിവേറ്റു
തൃശൂര്: വാല്പ്പാറയില് ജാര്ഖണ്ഡ് സ്വദേശിയായ തോട്ടം തൊഴിലാളിയുടെ കുട്ടിയായ അഞ്ചുവയസുകാരനെ പുലി ആക്രമിച്ചു. വാല്പ്പാറ-മലക്കപ്പാറ അതിര്ത്തിയിലാണ് പുലിയുടെ ആക്രണമുണ്ടായത്. പുലിയുടെ ആക്രമണത്തില് ദേഹമാസകലം മുറിവേറ്റ കുട്ടിയെ ഗുരുതര പരിക്കുകളോടെ വാല്പ്പാറ സര്ക്കാര് ആശുപത്രിയില് പ്രവേശിപ്പിച്ചു. രക്ഷിതാക്കള്ക്ക് പിന്നാലെ തോട്ടത്തിലേക്ക് പോകുന്നതിനിടെയാണ് പുലി കുട്ടിയെ ആക്രമിച്ചത്.
വാല്പ്പാറ-മലക്കപ്പാറ അതിര്ത്തിയിലാണ് പുലിയുടെ ആക്രണമുണ്ടായത്. പുലി ആക്രമിക്കാന് തുടങ്ങിയതോടെ കുട്ടി ഉച്ചത്തില് നിലവിളിച്ചു. സമീപപ്രദേശങ്ങളില് തോട്ടം തൊഴിലാളികള് ഉണ്ടായിരുന്നതുകൊണ്ടാണ് കുട്ടിക്ക് രക്ഷപെടാനായത്. കുട്ടിയുടെ നിലവിളികേട്ട് ഓടിക്കൂടിയ ആളുകള് ബഹളമുണ്ടാക്കിയതോടെ പുലി കുട്ടിയെ ഉപേക്ഷിച്ച് ഓടിമറയുകയായിരുന്നു. ഈ പ്രദേശത്ത് നേരത്തെയും പുലിയുടെ സാന്നിദ്ധ്യമുണ്ടായിരുന്നതായി തോട്ടം തൊഴിലാളികള് പറയ...
