തേഞ്ഞിപ്പാലം : തേങ്ങയിടാൻ തെങ്ങിൽ കയറിയ തൊഴിലാളി തെങ്ങിനൊപ്പം വീണ് മരിച്ചു. ചെനക്കലങ്ങാടി മാതാപ്പുഴ സ്വദേശി ഗിരീഷ് കുമാർ (55) ആണ് മരിച്ചത്. ഇന്ന് ഉച്ചക്കാണ് സംഭവം. സമീപത്തെ സ്വകാര്യ വ്യക്തിയുടെ പറമ്പിൽ തേങ്ങയിടുന്നതിനായി തെങ്ങിൽ കയറിയതായിരുന്നു. ഇതിനിടെ തെങ്ങ് കടപുഴകി വീഴുകയായിരുന്നു. ഗിരീഷും വീണു. ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.