മാനന്തവാടി : സ്‌കൂട്ടറില്‍ കഞ്ചാവ് കടത്തുന്നതിനിടെ യുവാവും തിരൂര്‍ സ്വദേശിനിയും എക്സൈസിന്റെ പിടിയില്‍. മാനന്തവാടി പൊരുന്നനൂര്‍ അഞ്ചാംമൈല്‍ സ്വദേശി പറമ്പന്‍ വീട്ടില്‍ ഹസീബ് (23) മലപ്പുറം തിരൂര്‍ പിലാത്തറ സ്വദേശിനിയായ വലിയപറമ്പില്‍ സോഫിയ (32) എന്നിവരെയാണ് പിടികൂടിയത്.
റേഞ്ച് ഇന്‍സ്പെക്ടര്‍ മണികണ്ഠന്റെ നേതൃത്വത്തിലുള്ള സംഘം വാഹന പരിശോധനക്കിടെയാണ് പ്രതികള് പിടിയിലായത്. ഇവരില്‍ നിന്നും 500 ഗ്രാം കഞ്ചാവ് കണ്ടെടുത്തു. പ്രതികള് സഞ്ചരിച്ച സ്‌കൂട്ടറും കസ്റ്റഡിയിലെടുത്തു. വനിത എക്സൈസ് ഓഫീസര്‍ ഷൈനി, സിവില്‍ എക്സൈസ് ഓഫീസര്‍മാരായ സജി പോള്‍, ഷിനോജ്, അര്‍ജുന്‍, എം.ജി. രാജേഷ്, ഡ്രൈവര്‍ രമേശ് എന്നിവരും പരിശോധനയില്‍ പങ്കെടുത്തു.