അടുത്തയാഴ്ച നാട്ടിലേക്ക് വരാനിരുന്ന മലപ്പുറം സ്വദേശിയായ യുവാവ് കുവൈത്തിൽ മരിച്ചു

മലപ്പുറം : അടുത്തയാഴ്ച നാട്ടിലേക്ക് വരാനിരുന്ന യുവാവ് കുവൈത്തിൽ ഹൃദയാഘാതംമൂലം മരിച്ചു. വാണിയമ്പലം സ്വദേശി മഠത്തിൽ അബ്ദുല്ലയുടെ മകൻ റിഷാദ് (29) ആണ് മരിച്ചത്. ജോലിക്കിടെ ഹൃദയാഘാതം സംഭവിക്കുകയായിരുന്നു. ഉടൻ തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ല. രണ്ട് വർഷത്തോളമായി കുവൈത്തിൽ പ്രവാസിയാണ്. അടുത്ത ആഴ്ച‌ അവധിക്ക് നാട്ടിലേക്ക് പോകാനിരിക്കെയാണ് മരണം. മാതാവ്: അസ്മാബി. സഹോദരങ്ങൾ: നിസാർ, റിഷാന.