തിരൂരങ്ങാടി : നന്നമ്പ്ര പഞ്ചായത്തിലെ കൊടിഞ്ഞിയില്‍ നിന്നും യുവതിയെ കാണാനില്ലെന്ന് പരാതി. കൊടിഞ്ഞി സ്വദേശി പട്ടയത്ത് വീട്ടില്‍ നവ്യയെയാണ് കാണാനില്ലെന്ന് കാണിച്ച് കുടുംബം തിരൂരങ്ങാടി പൊലീസില്‍ പരാതി നല്‍കിയത്. 21 കാരിയായ നവ്യ ബുധനാഴ്ച രാവിലെ 9.30 ന് കൊടിഞ്ഞിയിലെ വീട്ടില്‍ നിന്നും ചെമ്മാട് ഫാഷന്‍ഡിസൈനിംഗ് ക്ലാസ്സിനാണെന്ന് പറഞ്ഞ് പോയ ശേഷം ഇതുവരെയായി വീട്ടില്‍ തിരിച്ചെത്തിയില്ലെന്ന് പരാതിയില്‍ പറയുന്നു. പിതാവ് പട്ടയത്ത് വീട്ടില്‍ വേലായുധന്‍ നല്‍കിയ പരാതിയില്‍ തിരൂരങ്ങാടി പൊലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.