തൃശൂര്‍ : ബൈക്കിന് പുറകില്‍ കെഎസ്ആര്‍ടിസി ബസ്സിടിച്ച് റോഡില്‍ വീണ വീട്ടമ്മ ദേഹത്ത് ബസ് കയറിയിറങ്ങി മരിച്ചു. ചിറ്റാട്ടുകര പൊന്നരാശ്ശേരി വീട്ടില്‍ രാജി(54)യാണ് മരിച്ചത്. ഇന്ന് രാവിലെ ഏഴരയോടെ കുന്നംകുളം പട്ടാമ്പി റോഡിലാണ് അപകടമുണ്ടായത്. മകനോടൊപ്പം ബൈക്കില്‍ കുന്നംകുളം ഭാഗത്തേക്ക് പോകുന്നതിനിടെ പിറകില്‍ വന്നിരുന്ന ബസ്സ് ബൈക്കില്‍ ഇടിക്കുകയായിരുന്നു. ബൈക്കില്‍ നിന്നും വീണ രാജി ബസ്സിനടിയില്‍ പെട്ട് ബസ്സ് ദേഹത്ത്കൂടി കയറിയിറങ്ങുകയായിരുന്നു. കെ എസ് ആര്‍ ടി സി ലോഫ്‌ലോര്‍ ബസ്സാണ് അപകടമുണ്ടാക്കിയത്. നിര്‍ത്താതെ പോയ ഈ ബസ്സ് തൃശ്ശൂരില്‍ നിന്നും കുന്നംകുളത്തേക്ക് എത്തിക്കാനുള്ള നടപടി കുന്നംകുളം പോലീസ് ആരംഭിച്ചു.