വേങ്ങര : വിസ്ഡം ഇസ്ലാമിക് ഓര്‍ഗനൈസേഷന്‍ വേങ്ങര മണ്ഡലം കമ്മിറ്റി ഡിസംബര്‍ 15ന് വേങ്ങര സബാഹ് സ്‌ക്വയറില്‍ മുജാഹിദ് ആദര്‍ശ സമ്മേളനം സംഘടിപ്പിക്കുന്നു. ഹുസൈന്‍ സലഫി മുഖ്യ പ്രഭാഷണം നടത്തുന്ന സമ്മേളനത്തിന്റെ പ്രചരണ ഭാഗമായി ഊരകം കുന്നത്ത് വെച്ച് ഡോക്ടര്‍ മുഹമ്മദ് കുട്ടി കണ്ണിയന്‍ പ്രഭാഷണം നടത്തി.
പ്രഭാഷണത്തിന്റെ ഭാഗമായി സമീപത്തുള്ള ആയിരത്തോളം വീടുകളില്‍ പ്രഭാഷണത്തിലേക്ക് ക്ഷണിക്കുവാനും സത്യസന്ദേശം കൈമാറാനും വേണ്ടി വിസ്ഡം ഇസ്ലാമിക് ഓര്‍ഗനൈസേഷന്റെ പ്രവര്‍ത്തകര്‍ സന്ദര്‍ശനം നടത്തി. വിസ്ഡം ഇസ്ലാമിക് ഓര്‍ഗനൈസേഷന്‍ വേങ്ങര മണ്ഡലം സെക്രട്ടറി അബ്ദുല്ലത്തീഫ് കുറ്റൂര്‍ സ്വാഗതവും ഇ കെ ഹംസക്കുട്ടി നന്ദിയും പറഞ്ഞു.