ദമാം : മുസ്ലിം ലീഗ് സംസ്ഥാന വൈസ് പ്രസിഡണ്ടും മുന്‍ മന്ത്രിയും തിരൂരങ്ങാടി, താനൂര്‍ നിയമസഭാ നിയോജക മണ്ഡലത്തിലെ എംഎല്‍എയും പ്രമുഖ പരിസ്ഥിതി പ്രവര്‍ത്തകനും കൂടി ആയിരുന്ന കെ കുട്ടി അഹമ്മദ് കുട്ടിയുടെ സ്മരണയും ഓര്‍മ്മകളും ഉള്‍ക്കൊള്ളിച്ചു കൊണ്ട് നിര്‍മിച്ച കെ കുട്ടി അഹമ്മദ് കുട്ടി കാലവും നിലപാടും എന്ന പുസ്തകത്തിന്റെ സൗദി തല പ്രകാശനം ദമാമില്‍ വച്ച് നടന്നു. ദമ്മാം കെഎം സി സി ഓഫീസില്‍ വെച്ച് നടന്ന ചടങ്ങ് ദമാം മലപ്പുറം ജില്ലാ കെഎംസിസി പ്രസിഡണ്ട് കെ.പി ഹുസൈന്‍, അല്‍ ഖോബാര്‍ കെഎംസിസി പ്രസിഡന്റ് ഇക്ബാല്‍ ആനമങ്ങാടിന് നല്‍കി കൊണ്ട് പ്രകാശനം ചെയ്തു.
പുസ്തകത്തില്‍ കേരളത്തിലെ പ്രമുഖരായ രാഷ്ട്രീയ നേതാക്കള്‍, മതപണ്ഡിതന്മാര്‍, പ്രവാസി നേതാക്കള്‍,സാമൂഹിക സാംസ്‌കാരിക കല രംഗത്ത് പ്രമുഖര്‍ ഐഎഎസ് തലത്തിലുള്ള ഉന്നത ഉദ്യോഗസ്ഥര്‍ സഹപാഠികള്‍ സുഹൃത്തുക്കള്‍. സഹപ്രവര്‍ത്തകര്‍, കുടുംബാംഗങ്ങള്‍ തുടങ്ങിയ 114 പേരുടെ ഓര്‍മ്മകളും, അനുഭവങ്ങളുമാണ് എഴുതപ്പെട്ടിട്ടുള്ളത്.
എസ്. ടി. യു മലപ്പുറം ജില്ലാ വൈസ് പ്രസിഡന്റ് അസീസ് പഞ്ചിളി, മുഖ്യ പ്രഭാഷണം നിര്‍വഹിച്ചു. ജൗഹര്‍ കുനിയില്‍ സ്വാഗതവും, ബഷീര്‍ ആ ലൂങ്ങല്‍ നന്ദിയും പറഞ്ഞ സംഗമത്തില്‍ , സഹീര്‍ മജ്ദാല്‍, ഷബീര്‍ തേഞ്ഞിപ്പലം, മുഹമ്മദ് കരിങ്കപ്പാറ, റിയാസ് മമ്പാട്, അഷ്‌റഫ് ക്ലാരി, ഉസ്മാന്‍ , നസീര്‍ ബാബു,, എന്നിവര്‍ നേതൃത്വം നല്‍കി , കരീം വേങ്ങര, മുഹമ്മദ് അലി കോട്ടക്കല്‍,അബ്ദു സമദ് കരിഞ്ചാപ്പടി, ആലികുട്ടി താനൂര്‍, റഷീദ് മുത്തു നാലകത്ത്, കുഞ്ഞിപ്പ തയ്യില്‍, വഹീദ് കീഴുപറമ്പ, ഷുഹൈബ് കീഴാറ്റൂര്‍, ഗഫൂര്‍ കോട്ടക്കല്‍, ഫാസില്‍ വളാഞ്ചേരി, ശിഹാബ് മലപ്പുറം,ഫസല്‍ തീരുര്‍,ശിഹാബ് മങ്കട. തുടങ്ങിയവര്‍ സംബന്ധിച്ചു.