തിരൂരങ്ങാടി:
പൂക്കിപറമ്പിലും കോഴിച്ചെനയിലും കടകളിൽ മോഷണം. വസ്ത്രകട, പലചരക്ക് കട, അലങ്കാര മത്സ്യമൃഗ കടകളിലാണ് രാത്രിമോഷണം നടന്നത്. പൂക്കിപറമ്പ് വട്ടപ്പറമ്പൻ ഷാഹിദ എന്ന യുവതി നടത്തുന്ന ഫാർസൻ കിഡ്സ് ആൻഡ് ലേഡീസ് ഷോപ്പിന്റ്എ മുൻഭാഗത്തെ ഗ്ലാസ് തകർത്താണ് മോഷണം നടത്തിയത്. കടയിൽ നിന്നും എൻപതിനായിരം രൂപയും നിരവധി സ്പ്രേകളും മോഷ്ടാക്കൾ കവർന്നിട്ടുണ്ട്. കൂടാതെ 25000 രൂപയുടെ നാഷനഷ്ടവും വരുത്തിയിട്ടുണ്ട്. ഷാഹിദ തിരൂരങ്ങാടി പൊലീസിൽ പരാതി നൽകി. പൊലീസെത്തി സ്ഥലം പരിശോധിച്ചു. കോഴിച്ചെനയിലെ മാളിയം വീട്ടിൽ അബ്ദുൽ അസീസിന്റെ പലചരക്ക് കടയിലും അലങ്കാര മത്സ്യ മൃഗകടയിലും മോഷണം നടത്തി. പലചരക്ക് കടയിൽ നിന്ന് മുപ്പതിനായിരം രൂപമോഷ്ടിച്ചിട്ടുണ്ട്. പതിനായിരം രൂപയുടെ നാഷനഷ്ടവും വരുത്തി. അബ്ദുൽ അസീസിന്റെ പാട്ണർഷിപ്പിലുള്ള സമീപത്തെ വളർത്തു മത്സ്യ മൃഗഷോപ്പിൽ നിന്നും പതിനയ്യായിരം രൂപവിലയുള്ള പൂച്ചയും,ആറായിരം രൂപയുടെ തീറ്റയും,രണ്ടായിരം രൂപയുടെ കൂടും,പതിനായിരം രൂപയും മോഷ്ടാക്കൾ മോഷ്ടിച്ചിട്ടുണ്ട്. കൂടാതെ പതിനായിരം രൂപയുടെ നാഷനഷ്ടവും വരുത്തി.കൽപകഞ്ചേരി പൊലീസിൽ പരാതി നൽകി.പൊലീസ് സ്ഥലം സന്ദർശിച്ചു. നാല് പേർ മുഖം മൂടി അണിഞ്ഞ് രണ്ട് ബൈക്കുകളിലായി എത്തി മോഷണം നടത്തുന്ന ദൃഷ്യം സമീപ കടയിലെ സി.സി.ടി.വിയിൽ നിന്നും ലഭിച്ചിട്ടുണ്ട്. മോഷ്ടാക്കൾ തെന്നല ഭാഗത്ത് നിന്നാണ് വരുന്നതായി ആണ് സി.സി.ടിവിയിൽ കാണുന്നത്.പൊലീസ് അന്വോഷണo ഊർജിതമാക്കിയിട്ടുണ്ട്.
