![](https://tirurangaditoday.in/wp-content/uploads/2023/07/kerala-rain.jpg)
തിരുവനന്തപുരം : സംസ്ഥാനത്ത് കനത്ത മഴയുടെ സാഹചര്യത്തില് രണ്ട് ജില്ലകളില് റെഡ് അലര്ട്ട് പ്രഖ്യാപിച്ചു. എറണാകുളം തൃശൂര് ജില്ലകളിലാണ് കേന്ദ്ര കാലാവസ്ഥാ വിഭാഗം അതിതീവ്ര മഴ സാധ്യത പ്രഖ്യാപിച്ചത്. പാലക്കാട്, വയനാട്, കോഴിക്കോട്, മലപ്പുറം, ഇടുക്കി, കോട്ടയം,ആലപ്പുഴ, പത്തനംതിട്ട ജില്ലകളില് ഓറഞ്ച് അലര്ട്ടാണ്. കണ്ണൂര്. കാസര്കോട്, തിരുവനന്തപുരം, കൊല്ലം ജില്ലകളില് യെല്ലോ അലര്ട്ടാണ്. നാളെ പത്തനംതിട്ട, കോട്ടയം, ഇടുക്കി ജില്ലകളില് ഓറഞ്ച് അലര്ട്ടാണ്.
കേരളാ തീരത്ത് ഉയര്ന്ന തിരമാലകള്ക്കും കടലേറ്റത്തിനും സാധ്യതയുണ്ട്. ഇനി ഒരു അറിയിപ്പുണ്ടാകും വരെ കേരളാ തീരത്തിന് മത്സ്യബന്ധനത്തിന് പോകരുത്. തെക്കന് കേരളത്തിന് മുകളിലായി നിലനില്ക്കുന്ന ചക്രവാതച്ചുഴിയുടെ സ്വാധീനഫലമായാണ് അതിതീവ്ര മഴ സാധ്യത തുടരുന്നത്. തെക്ക് പടിഞ്ഞാറന് ബംഗാള് ഉള്ക്കടലില് രൂപപ്പെട്ട ന്യൂനമര്ദ്ദം അടുത്തമണിക്കൂറികളില് കൂടുതല് ശക്തിപ്രാപിക്കും. ഇത് തീവ്രന്യൂനമര്ദ്ദമായി മാറാന് സാധ്യതയുണ്ട്. നാളെയോടെ കേരളത്തില് മഴയുടെ ശക്തിയില് അല്പം കുറവുണ്ടായേക്കും