ടൂറിസം കേന്ദ്രങ്ങളില് പ്ലാസ്റ്റിക് ശുചിത്വം ഉറപ്പാക്കാന് നടപടിയുമായി ജില്ലാ ഭരണകൂടം
മലപ്പുറം : ജില്ലയിലെ ടൂറിസം കേന്ദ്രങ്ങളെ പ്ലാസ്റ്റിക് മാലിന്യ മുക്തമാക്കുന്നതിനുള്ള കര്ശന നടപടികളുമായി മലപ്പുറം ജില്ലാ ഭരണകൂടം. തദ്ദേശ സ്വയംഭരണ വകുപ്പ് ഉള്പ്പെടെ വിവിധ വകുപ്പുകളുടെ സഹകരണത്തോടെ ജൂണ് ഒന്ന് മുതല് ഇതിനായി വിവിധ പരിപാടികള് ആവിഷ്ക്കരിച്ച് നടപ്പാക്കാന് ജില്ലാ കളക്ടര് വി.ആര് വിനോദിന്റെ അധ്യക്ഷതയില് കളക്ടറുടെ ചേംബറില് ചേര്ന്ന യോഗം തീരുമാനിച്ചു.
ആദ്യഘട്ടമായി നാടുകാണി ചുരത്തില് പ്ലാസ്റ്റിക് മാലിന്യങ്ങള് തള്ളുന്നത് തടയാനും നിലമ്പൂരിലെ ടൂറിസം കേന്ദ്രങ്ങള് പ്ലാസ്റ്റിക് മുക്തമാക്കാനും ജൂണ് 10 മുതല് നിലമ്പൂരിലെ വടപുറം, വഴിക്കടവ് ചെക് പോസ്റ്റ് എന്നിവിടങ്ങളില് പ്ലാസ്റ്റിക് ചെക് പോസ്റ്റുകള് സ്ഥാപിക്കും. ഇവിടങ്ങളില് വാഹനങ്ങള് തടഞ്ഞു നിര്ത്തി പരിശോധിക്കുകയും നിരോധിത പ്ലാസ്റ്റിക്കുകള് പിടിച്ചെടുത്ത് പിഴ ഈടാക്കുകയും ചെയ്യും. തദ്ദേശ സ്ഥാപനങ്ങള്, പൊലീസ്, ആര്.ടി.ഒ, ഫ...
