പരപ്പനങ്ങാടി: ബി. ഇ. എം ഹയര്‍സെക്കണ്ടറി സ്‌കൂള്‍ എസ്.പി. സി യൂണിറ്റും പരപ്പനാട് വാക്കേഴ്‌സ് ക്ലബ്ബും സംയുക്തമായി ജൂണ്‍ 21 അന്താരാഷ്ട്ര യോഗ ദിനം ആചരിച്ചു. രാവിലെ 10 മണിക്ക് പരപ്പനങ്ങാടി ബി. ഇ. എം ഹയര്‍ സെക്കന്‍ഡറി സ്‌കൂളില്‍ വെച്ച് നടന്ന പരിപാടിയുടെ ഔപചാരിക ഉദ്ഘാടനം തിരൂരങ്ങാടി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എസ് മധുസൂദനന്‍ പിള്ള നിര്‍വഹിച്ചു. പിടിഎ പ്രസിഡണ്ട് നൗഫല്‍ ഇലിയാന്‍ അധ്യക്ഷത വഹിച്ചു
വാക്കേഴ്‌സ് ക്ലബ്ബ് പ്രസിഡണ്ട് ഉണ്ണികൃഷ്ണന്‍ കെ., സെക്രട്ടറി കെ.ടി വിനോദ്, ക്ലബ്ബ് ഭാരവാഹികളായ ചന്ദ്രന്‍ മാസ്റ്റര്‍, രവീന്ദ്രന്‍ പി, സ്റ്റാഫ് സെക്രട്ടറി അബ്ദുള്‍ നാസര്‍ എന്നിവര്‍ ആശംസകള്‍ അര്‍പ്പിച്ച് സംസാരിച്ചു. പരപ്പനാട് വാക്കേഴ്‌സ് ക്ലബ്ബ് യോഗാചാര്യന്‍ സുനില്‍കുമാര്‍ കുട്ടികള്‍ക്ക് യോഗ ക്ലാസ് എടുത്തു.
പ്രിന്‍സിപ്പാള്‍ സുവര്‍ണലത സ്വാഗതവും എസ്പിസി എസിപിഒ അയന നന്ദിയും പറഞ്ഞു