പരപ്പനങ്ങാടി : മെയ് 1ന് കേരള ജേര്‍ണലിസ്റ്റ് യൂനിയന്‍ (കെ.ജെ.യു) 24 മത് സ്ഥാപക ദിനത്തിന്റെ ഭാഗമായി കെ.ജെ.യു പരപ്പനങ്ങാടി മേഖല കമ്മിറ്റിയുടെ നേതൃത്വത്തില്‍ പരപ്പനങ്ങാടിയില്‍ പതാക ഉയര്‍ത്തല്‍, മുതിര്‍ന്ന മാധ്യമ പ്രവര്‍ത്തകരെ ആദരിക്കല്‍ തുടങ്ങിയ വിവിധ പരിപാടികള്‍ നടത്തി. സംഗമം കെ.ജെ.യു ജില്ലാ പ്രസിഡന്റ് ടി.വി സുചിത്രന്‍ ഉദ്ഘാടനം ചെയ്തു.
മേഖല പ്രസിഡന്റ് പി.കുഞ്ഞിമോന്‍ അധ്യക്ഷനായി. അരനൂറ്റാണ്ട് കാലമായി പത്ര പ്രവര്‍ത്തന രംഗത്ത് പ്രവര്‍ത്തിക്കുന്ന എ. അഹ്‌മദുണ്ണി പരപ്പനങ്ങാടി, അപ്പുക്കുട്ടന്‍ വള്ളിക്കുന്ന് എന്നിവരെ പൊന്നാട അണിയിച്ച് ഉപഹാരം നല്‍കി ആദരിച്ചു. മേഖല ജനറല്‍ സെക്രട്ടറി വി. ഹമീദ്, എ.അഹ്‌മദുണ്ണി അപ്പുക്കുട്ടന്‍ വള്ളിക്കുന്ന്, പി.പി നൗഷാദ് സംസാരിച്ചു.