![](https://tirurangaditoday.in/wp-content/uploads/2023/12/liq.jpg)
തിരുവനന്തപുരം: സംസ്ഥാനത്ത് ക്രിസ്മസ് ആഘോഷവേളയില് റെക്കോഡ് മദ്യവില്പ്പന. മൂന്ന് ദിവസം കൊണ്ട് വെയര് ഹൗസ് വില്പ്പന ഉള്പ്പെടെ മൊത്തം 230. 47 കോടി രൂപയുടെ മാത്രമാണ് സംസ്ഥാനത്ത് വിറ്റത്. കഴിഞ്ഞ വര്ഷം 210. 35 കോടി രൂപയുടെ മദ്യമാണ് ഈ ദിവങ്ങളില് വിറ്റത്. ക്രിസ്മസ് തലേന്ന് 70.73 കോടിയുടെ മദ്യ വില്പ്പന നടന്നു. കഴിഞ്ഞ വര്ഷം ഇതെ ദിവസം 69.55 കോടിയുടെ മദ്യ വില്പ്പനയാണ് നടന്നത്.
ബെവ്കോ ഔട്ട്ലെറ്റ് വഴി മാത്രം 154.77 കോടിയുടെ മദ്യമാണ് ഇത്തവണ വിറ്റത്. ഏറ്റവും കൂടുതല് മദ്യ വില്പ്പന നടത്തിയത് ചാലക്കുടി ഔട്ട് ലെറ്റിലാണ്. ക്രിസ്മസ് തലേന്ന് ചാലക്കുടിയില് 6385290 രൂപയുടെ മദ്യ വില്പ്പനയാണ് നടന്നത്. ചങ്ങനാശേരിയില് 6287120 രൂപയുടെയും, ഇരിഞ്ഞാലക്കുടയില് 6231140 രൂപയുടെയും പവര്ഹൗസില് 6008130 രൂപയുടെയും നോര്ത്ത് പറവൂരില് 5199570 രൂപയുടേയും മദ്യവില്പ്പനയാണ് നടന്നത്.
ക്രിസ്മസ് 22 മുതല് 24 വരെ മദ്യ വില്പ്പന കണക്കിലും ഇത്തവണ വര്ദ്ധനയുണ്ട്. ഡിസംബര് 22 ന് 75.70 കോടി രൂപയുടെ മദ്യവില്പ്പനയാണ് ഈ വര്ഷം നടന്നത്. കഴിഞ്ഞ വര്ഷം ഡിസംബര് 22 ന് 65.39 കോടി രൂപയുടെ മദ്യമാണ് വിറ്റിരുന്നത്. ഡിസംബര് 23 ന് ഈ വര്ഷം 84.04 കോടി രൂപ മദ്യവില്പ്പന നടന്നു. കഴിഞ്ഞ വര്ഷം ഇതേ ദിവസം 75.41 കോടി രൂപ മദ്യവില്പ്പനയാണ് നടന്നത്.