എംഡിഎംഎ യുമായി ചേറൂർ സ്വദേശി പിടിയിൽ
പരപ്പനങ്ങാടി : പരപ്പനങ്ങാടി റെയിൽവേ സ്റ്റേഷൻ കേന്ദ്രീകരിച്ച് നടത്തിയ വാഹന പരിശോധനയ്ക്കിടയിൽ മാരകമായ മയക്കുമരുന്ന് ഇനത്തിൽപ്പെട്ട എംഡി എം എ യും ആയി യുവാവ് പിടിയിൽ. വേങ്ങര ചേറൂർ ആലുങ്ങൽ വീട്ടിൽ അബ്ദുൽ ഗഫൂറിനെ (21) യാണ് പരപ്പനങ്ങാടി പോലീസ് ഇൻസ്പെക്ടർ ജിനേഷ് കെ ജെ, യുടെ നേതൃത്വത്തിൽ പിടികൂടിയത്. ഇയാളിൽ നിന്ന് 7 ഗ്രാം എം ഡി എം എ കണ്ടെടുത്തു. സബ് ഇൻസ്പെക്ടർ ജയദേവൻ, സീനിയർ സിവിൽ പോലീസ് ഓഫീസർ സനിൽകുമാർ, സിവിൽ പോലീസ് ഓഫീസർ ആയ മുജീബ് റഹ്മാൻ, താനൂർ ഡിവൈഎസ്പി വി വി ബെന്നിയുടെ കീഴിലുള്ള ഡാൻസാഫ് അംഗങ്ങൾ എന്നിവർ ചേർന്നാണ് പരപ്പനങ്ങാടി റെയിൽവേ സ്റ്റേഷന്റെ മുൻവശം ഭാഗത്തുനിന്ന് പ്രതിയെ പിടികൂടിയത്. ഇയാൾക്ക് എംഡിഎം എ കിട്ടിയതുമായി ബന്ധപ്പെട്ടിട്ടുള്ള ആളുകളെ പറ്റിയുള്ള അന്വേഷണം നടന്നുവരികയാണ്....
