തിരുവനന്തപുരം : പ്രധാനമന്ത്രി നരേന്ദ്രമോദി തിരുവനന്തപുരം സെന്ട്രല് സ്റ്റേഷനിലെത്തി. അല്പസമയത്തിനകം തിരുവനന്തപുരം സെന്ട്രല് സ്റ്റേഷനില് വന്ദേഭാരത് ട്രെയിനിന്റെ ഫ്ലാഗ് ഓഫ് ചടങ്ങ് തുടങ്ങും. കൊച്ചിയില് നിന്ന് തിരുവനന്തപുരം വിമാനത്താവളത്തില് എത്തിയ പ്രധാനമന്ത്രിയെ ഗവര്ണര് ആരിഫ് മുഹമ്മദ് ഖാന്, മുഖ്യമന്ത്രി പിണറായി വിജയന്, ശശി തരൂര് എംപി എന്നിവര് ചേര്ന്ന് സ്വീകരിച്ചു. വിമാനത്താവളത്തില് നിന്നുള്ള യാത്രയില് പ്രവര്ത്തകരെ അഭിവാദ്യം ചെയ്തുകൊണ്ടാണ് പ്രധാനമന്ത്രി തമ്പാനൂരില് എത്തിയത്.
ക്ഷണിക്കപ്പെട്ട യാത്രക്കാരെ ട്രെയിനില് പ്രവേശിപ്പിച്ചു കഴിഞ്ഞു. ഉദ്ഘാടന യാത്രയില് 14 സ്റ്റേഷനുകളില് ട്രെയിന് നിര്ത്തും. പ്രധാനമന്ത്രി ട്രെയിനില് യാത്ര ചെയ്യില്ല. ജല മെട്രോ, ഡിജിറ്റല് സയന്സ് പാര്ക്ക് തുടങ്ങിയ പദ്ധതികള്ക്കും പ്രധാനമന്ത്രി ഇന്ന് തുടക്കം കുറിക്കും. വന്ദേഭാരത് ഫ്ലാഗ് ഓഫിനുശേഷം...
