സൗദിയിലേക്ക് ലഹരി കടത്തിയ കേസിൽ പിടിയിലായ മലയാളിയുടെ വധശിക്ഷ നടപ്പാക്കി
സൗദി അറേബ്യയിലേക്ക് വൻതോതില് ലഹരിമരുന്ന് കടത്താൻ ശ്രമിച്ച കേസില് മലയാളി യുവാവിന്റെ വധശിക്ഷ നടപ്പാക്കി. കണ്ണൂർ തലശ്ശേരി സ്വദേശിയായ അബൂട്ടി വെള്ളില് (41) ആണ് ശിക്ഷിക്കപ്പെട്ടത്.
ഞായറാഴ്ച (27-08-2026) രാവിലെയാണ് വധശിക്ഷ നടപ്പാക്കിയത്.
ശിക്ഷ നടപ്പാക്കിയ വിവരം സൗദി ആഭ്യന്തര മന്ത്രാലയം ഔദ്യോഗികമായി പുറത്തുവിട്ടു. ഇത് സംബന്ധിച്ച വിവരം ഇന്ത്യൻ എംബസിയെയും ഔദ്യോഗികമായി അറിയിച്ചിട്ടുണ്ട്.
2023ലായിരുന്നു കേസിനാസ്പദമായ സംഭവം. ഒമാനില് നിന്ന് സൗദി അറേബ്യയിലേക്ക് കടക്കുന്നതിനിടെ ഇദ്ദേഹം ഓടിച്ചിരുന്ന ജി എം സി വാഹനത്തിൽ ലഹരിയുമായി അതിർത്തിയില് വെച്ച് സൗദി സുരക്ഷാസേന അബൂട്ടി വെള്ളിലിനെ പിടികൂടുകയായിരുന്നു. പരിശോധനയില് ഇയാളുടെ പക്കല് നിന്ന് 43 കിലോ ലഹരിമരുന്നാണ് കണ്ടെത്തിയത്.കേസില് വിചാരണ കോടതി പ്രൊസിക്യൂഷന് സമർപ്പിച്ച തെളിവുകളുടെ അടിസ്ഥാനത്തില് വധശിക്ഷ വിധിച്ചു. ഇത് പിന്നീട് അപ്പീല് കോടതിയ...