തിരൂരങ്ങാടി : മികച്ച ഗൈഡ്സ് യൂണിറ്റിന് ജില്ലാ അസോസിയേഷൻ ഏർപ്പെടുത്തിയ ശ്രീരംഗൻ കുഞ്ചു പണിക്കർ അവാർഡ് നേടി തിരൂരങ്ങാടി ഒ.യു.പി സ്ക്കൂൾ സ്കൗട്ട് & ഗൈഡ്സ്.
ഇത് രണ്ടാം തവണയാണ് യൂണിറ്റ് അവാർഡ് കരസ്ഥമാക്കുന്നത്.
ജീവകാര്യണ്യ പ്രവർത്തനങ്ങൾക്ക് ഏറെ മുൻഗണന നൽകുന്ന യൂണിറ്റ് കഴിഞ്ഞ വർഷം സ്കൂളിലെ പാവപ്പെട്ട കുട്ടിക്ക് പതിനൊന്നരലക്ഷം ചിലവഴിച്ച് സ്നേഹഭവനം നിർമ്മിച്ച് നൽകി.
സേവ് വയനാട് ജില്ലയിൽ ഏറ്റവും കൂടുതൽ തുക കലക്ട് ചെയ്ത് ദുരിതാശ്വാസ നിധിയിലേക്ക് നൽകി.
രോഗികൾക്കുള്ള ഭക്ഷ്യ കിറ്റ് വിതരണം
വിവിധ ബോധവൽകരണ ക്യാമ്പയിനുകൾ, സഹവാസക്യാമ്പ് ഒട്ടനവധി പുതുമയാർന്ന പ്രവർത്തനങ്ങളാണ് യൂണിറ്റ് കാഴ്ചവെച്ചത്.
താനൂർ വ്യാപാരഭവനിൽ വെച്ച് നടന്ന ജില്ലാ സെമിനാറിൽ താനൂർ ഡി വൈ എസ് പി . പി പ്രമോദ് അവാർഡ് വിതരണം ചെയ്തു.
സ്കൗട്ട് ആൻ്റ് ഗൈഡ്സ് അധ്യാപകരായ എ പി. സുലൈഖ, കെ. ഷബ്ന , എം. ശാഹിദ, കെ അബ്ദുറഹിമാൻ, വി കെ സിദ്ധീഖ്, പി സലീഖ്, എം ടി. റബീഹ് എന്നിവർ അവാർഡ് ഏറ്റുവാങ്ങി.