കൊടിഞ്ഞി:എം.എ ഹയർസെക്കണ്ടറി സ്കൂളിൽ ലഹരി വിരുദ്ധ ബോധവൽക്കരണ ക്ലാസ് സംഘടിപ്പിച്ചു.
സ്കൂളിലെ ഹൈസ്കൂൾ, ഹയർ സെക്കണ്ടറി വിദ്യാർത്ഥികൾക്കും രക്ഷിതാക്കൾക്കും അധ്യാപകർക്കും വേണ്ടി സംഘടിപ്പിച്ച ക്ളാസ് സ്കൂൾ ഓഡിറ്റോറിയത്തിൽ വെച്ച് നടന്നു.സംഗമം സ്കൂൾ ജനറൽ സെക്രട്ടറി പത്തൂർ സാഹിബ് ഹാജി ഉദ്ഘാടനം ചെയ്തു.വർക്കിംങ് പ്രസിഡന്റ് പി.വി കോമുക്കുട്ടി ഹാജി അധ്യക്ഷത വഹിച്ചു.
മുൻ ഡിജിപിയും എക്സൈസ് കമ്മിഷണറുമായിരുന്ന ഋഷിരാജ് സിങ് സാർ ഐ.പി.എസും നാശമുക്ത ഭാരത് അഭിയാൻ മലപ്പുറം ജില്ലാ കോഡിനേറ്റർ ഹരികുമാർ സാറും ക്ളാസിന് നേതൃത്വം നൽകി.ജീവിതത്തിൻറെ മൂല്യം മനസ്സിലാക്കി ലഹരിക്കെതിരെ ഉണർന്നു പ്രവർത്തിക്കണമെന്നും ഈ വിഷയത്തിൽ രക്ഷിതാക്കളും അധ്യാപകരും വിദ്യാർത്ഥികളും അവരുടെ ഉത്തരവാദിത്വങ്ങൾ നിറവേറ്റണമെന്നും അദ്ദേഹം വ്യക്തമാക്കി.
ക്ലാസിൽ വിദ്യാർത്ഥികളുടേയും അധ്യാപകരുടേയും സംശയനിവാരണവും നടന്നു.
പ്രിൻസിപ്പൽ നജീബ് മാസ്റ്റർ സ്വാഗതവും പാട്ടശ്ശേരി ശരീഫ് നന്ദിയും പറഞ്ഞു.നന്നമ്പ്ര ഗ്രാമപഞ്ചായത്ത് മെമ്പർ ഊർപ്പായി സൈതലവി , ശരീഫ വെള്ളിയാംപുറം അഡ്മിനിസ്ട്രേറ്റീവ് ഓഫീസർ ഫൈസൽ തേറാമ്പിൽ,സദർ മുഅല്ലിം ജാഫർ ഫൈസി, വൈസ് പ്രിൻസിപ്പൽ ഷഹാന ടീച്ചർ, പനമ്പിലായി സലാം ഹാജി,മുഷ്താഖ് കൊടിഞ്ഞി പങ്കെടുത്തു.