വേങ്ങര : വേങ്ങര ബ്ലോക്ക് പഞ്ചായത്ത് കൃഷി ശ്രീ പദ്ധതിയുടെ ഉദ്ഘാടനം കണ്ണമംഗലം എടക്കാപറമ്പില്‍ ബ്ലോക്ക് പഞ്ചായത്ത് പ്രസിഡണ്ട് മണ്ണില്‍ ബെന്‍സീര്‍ ടീച്ചര്‍ നിര്‍വ്വഹിച്ചു. പദ്ധതിയുടെ ഭാഗമായി രൂപീകരിച്ച കാര്‍ഷിക സേന അംഗങ്ങളുടെ നേതൃത്വത്തില്‍ ഉത്പാദിപ്പിച്ച രണ്ട് ലക്ഷത്തോളം ഹൈബ്രിഡ് പച്ചക്കറിത്തൈകള്‍ ബ്ലോക്ക് പരിധിയിലെ കൃഷിഭവനുകള്‍ മുഖേന വിതരണം ചെയ്യും.
ബ്ലോക്ക് പഞ്ചായത്തും ഗ്രാമ പഞ്ചായത്തുകളും നടപ്പാക്കുന്ന വിവിധ പദ്ധതികളില്‍ ഇരുപതംഗ കാര്‍ഷിക സേനയെ പ്രയോജനപ്പെടുത്തും. കൃഷിക്കാവശ്യമായ യന്ത്രങ്ങള്‍ പദ്ധതിയില്‍ ഉള്‍പ്പെടുത്തി ലഭ്യമാക്കിയിട്ടുണ്ട്.
ഗ്രാമ പഞ്ചായത്ത് പ്രസിഡണ്ട് യു.എം.ഹം.സ അധ്യക്ഷത വഹിച്ചു. ബ്ലോക്ക് വൈസ് പ്രസിഡണ്ട് പുളിക്കല്‍ അബൂബക്കര്‍ മാസ്റ്റര്‍ മുഖ്യ , സ്റ്റാന്‍ഡിങ് കമ്മിറ്റി ചെയര്‍മാന്‍മാരായ സഫിയ, സഫീര്‍ ബാബു പി.പി,ഡിവിഷന്‍ മെമ്പര്‍ നബീല എ, പി കെ സിദ്ദീഖ്, കൃഷി അസിസ്റ്റന്റ് ഡയറക്ടര്‍ ഗിരിജ എ,
ടി കെ അബ്ദുട്ടി, പൂകുത്ത് മുജീബ് ,ടി പി ഹമീദ് ഹാജി, അരീക്കന്‍ കുഞ്ഞുട്ടി, എന്നിവര്‍ സംസാരിച്ചു.