തെയ്യാല തട്ടത്തലം ഹൈസ്‌കൂള്‍പടിക്ക് സമീപം കാര്‍ തടഞ്ഞ് നിര്‍ത്തി 2 കോടിയോളം രൂപ കവര്‍ന്ന കേസില്‍ മൂന്ന് പേരെ താനൂര്‍ പൊലീസ് കസ്റ്റഡിയിലെടുത്തു. കവര്‍ച്ച നടന്ന് ഒരാഴ്ച തികയുമ്പോഴാണ് പ്രതികളെ പിടികൂടിയത്. ഒരാളെ കൂടി പിടികൂടാനുണ്ട്. ഒന്നാം പ്രതി തിരൂരങ്ങാടി ടിസി റോഡ് സ്വദേശി തടത്തില്‍ അബ്ദുള്‍ കരീം, മറ്റു പ്രതികളായ പരപ്പനങ്ങാടി പന്താരങ്ങാടി സ്വദേശി വലിയപീടിയേക്കല്‍ മുഹമ്മദ് ഫവാസ്, ഉള്ളണം സ്വദേശി മങ്കലശേരി രജീഷ്, എന്നിവരെയാണ് എന്നിവരെയാണ് താനൂര്‍ പൊലീസ് പിടികൂടിയത്. കേസില്‍ ഒരാള്‍ കൂടി പിടിയിലാകാനുണ്ട്. ഇയാള്‍ക്കായുള്ള അന്വേഷണം ഊര്‍ജിതമാക്കി. കേസില്‍ പിടിയിലായ അബ്ദുള്ഡ കരീം തിരൂരങ്ങാടി പൊലീസ് സ്റ്റേഷനിലെ റൗഡി ലിസ്റ്റില്‍പ്പെട്ടായാളാണ്. നേരത്തെ 11 കേസിലെ പ്രതി കൂടിയാണ് ഇയാള്‍. കരീമിന്റെ നേതൃത്വത്തിലുള്ള ക്വട്ടേഷന്‍ സംഘമാണ് കവര്‍ച്ച നടത്തിയത്.
തട്ടത്തലം ഹൈസ്‌കൂള്‍ പടിയില്‍ വെച്ച് കഴിഞ്ഞ 14 ന് വ്യാഴാഴ്ച രാത്രി 9.50 നാണ് പ്രതികള്‍ തെന്നല അറക്കല്‍ സ്വദേശി മുഹമ്മദ് ഹനീഫയും ബന്ധുവും ദുബായിലെ ബിസിനസുമായി ബന്ധപ്പെട്ട ഇടപാടിലെ 1.92 കോടി രൂപയുമായി കൊടിഞ്ഞി ചെറുപ്പാറയില്‍ നിന്നും വരുന്നതിനിടെ മേലെപുറം ഇറക്കത്തില്‍ വച്ച് നീല അള്‍ടോ കാറിലെത്തി ഹനീഫ സഞ്ചരിച്ച കാറിനെ തടഞ്ഞ് മുഖം മൂടി ധരിച്ച് മാരാകായുധങ്ങളുമായു ആക്രമിച്ച് പണവുമായി കടന്നു കളഞ്ഞത്. സംഭവത്തിന് പിന്നാലെ 16 ന് ശനിയാഴ്ച ഗോവയിലേക്ക് കടന്നു കളഞ്ഞ സംഘത്തിനെ പിന്തുടര്‍ന്ന് ഗോവയില്‍ എത്തിയ അന്വഷണ സംഘം തിരിച്ച് വരുന്ന വഴിലാണ് കോഴിക്കോട് വെച്ച് ഉള്ളണം സ്വദേശി മങ്കലശേരി രജീഷിനെയും തിരൂരങ്ങാടി ടിസി റോഡ് സ്വദേശി തടത്തില്‍ അബ്ദുള്‍ കരീമിനെയും അറസ്റ്റ് ചെയ്തത്. കാറിലെത്തിയ നാലംഗ സംഘത്തിലെ രണ്ട് പേരായിരുന്നു അവര്‍.
ഇവരില്‍ നിന്നും കിട്ടിയ വിവരം അനുസരിച്ചാണ് തിരൂരങ്ങാടി പന്താരങ്ങാടി സ്വദേശിയായ വലിയപീടിയേക്കല്‍ മുഹമ്മദ് ഫവാസിനെ കസ്റ്റഡിയിലെടുത്തത്. കുറ്റകൃത്യത്തില്‍ നേരിട്ട് പങ്കെടുത്ത ഒരാളെ കൂടി കണ്ടെത്തേണ്ടതുണ്ട്. നാലംഗ സംഘത്തില്‍ മൂന്ന് പേരെയാണ് താനൂര്‍ പൊലീസ് പിടികൂടിയത്. ഇതുവരെയുള്ള അന്വേഷണത്തില്‍ കാറില്‍ സഞ്ചരിച്ച് ആക്രമിച്ച് പണം കവര്‍ന്ന നാലുപേരും സാമ്പത്തിക ലാഭത്തിനുവേണ്ടി കൊട്ടേഷന്‍ പണി ചെയ്തവരാണെന്നും ഇവര്‍ക്ക് കൊട്ടേഷന്‍ കൊടുത്തവരെ പോലീസിന് അന്വേഷണത്തില്‍ നിന്നും മനസ്സിലായിട്ടുണ്ടെന്നും പൊലീസ് അറിയിച്ചു.
കവര്‍ച്ച നടന്നതിന് പിന്നാലെ സിസിടിവി കേന്ദ്രീകരിച്ചടക്കം അന്വേഷണം നടത്തിയിരുന്നുവെങ്കിലും പ്രതികളെ കുറിച്ച് സൂചന ലഭിച്ചിരുന്നില്ല. തുടര്‍ന്ന് മലപ്പുറം ജില്ലാ പോലീസ് മേധാവി വിശ്വനാഥ് ആര്‍ ഐ പി എസ് താനൂര്‍ ജിവൈഎസ്പി പ്രമോദ് പിയുടെ നേതൃത്വത്തില്‍ പ്രത്യേക അന്വേഷണ സംഘംരൂപീകരിച്ചിരുന്നു. മലപ്പുറവും ഡിവൈഎസ്പി കെഎം ബിജു, താനൂര്‍ ഇന്‍സ്പെക്ടര്‍ ബിജിത്ത് കെടി, എസ്‌ഐ സുജിത് എന്‍ ആര്‍ എന്നിവരുടെ കീഴിലുള്ളഅന്വേഷണസംഘമാണ് പ്രതികളെ പിടികൂടിയത്