തിരൂർ: ചമ്രവട്ടത്ത് വിവാഹ സൽക്കാരത്തിനെത്തിയ സുഹൃത്തുക്കൾ സഞ്ചരിച്ച ഇരുചക്രവാഹനം ദിശ തെറ്റി പുഴയിലേക്ക് വീണു ഒരാൾക്ക് ദാരുണന്ത്യം, യുവതി ഉൾപ്പെടെ രണ്ടുപേർക്ക് ഗുരുതര പരിക്കേറ്റു.
ഇന്നലെ രാത്രി രണ്ടുമണിയോടുകൂടിയാണ് സംഭവം ചമ്രവട്ടത്ത് വിവാഹ സൽക്കാരത്തിനെത്തിയ സുൽത്താൻ ബത്തേരി, പാലക്കാട് സ്വദേശികളാണ് അപകടത്തിൽ പെട്ടത്
ഒരു വനിത ഉൾപ്പെടെ മൂന്നു പേരായിരുന്നു ബൈക്കിൽ സഞ്ചരിച്ചിരുന്നത്
വിവാഹ വീട്ടിൽ നിന്നും താമസസ്ഥലത്തേക്ക് ബൈക്കിൽ പോകുകയായിരുന്ന ഇവർ തിരൂർ റൂട്ടിലേക്ക് തിരിയുന്നതിനു പകരം ചമ്രവട്ടം കടവ് റോട്ടിലേക്ക് തിരിയുകയായിരുന്നു എന്നാണ് പറയപ്പെടുന്നത്
പത്തടിയോളം ഉയരമുള്ള സംരക്ഷണ ഭിത്തിയിൽ നിന്നും പുഴയുടെ താഴ്ഭാകത്തേക്കാണ് വീണത്,
ബൈക്ക് പുഴയോരത്തെ മരത്തിൽ ഇടിച്ച നിലയിലാണ് കിടക്കുന്നത്
സുൽത്താൻബത്തേരി സ്വദേശി അജ്മൽ ആണ് മരണപ്പെട്ടത്. മൃതദേഹം തിരൂർ ജില്ലാ ആശുപത്രി മോർച്ചറിയിലേക്ക് മാറ്റി.
അപകടത്തിൽ പരിക്കുപറ്റിയ അജ്മൽ ലുലു , വൈഷ്ണവി എന്നിവരെ ആലത്തൂരിലെ ഇമ്പിച്ച ബാവ സഹകരണ ആശുപത്രിയിൽ പ്രവേശിപ്പിച്ചു.തുടർന്ന് കോഴിക്കോട് മെഡിക്കൽ കോളേജിലേക്ക് മാറ്റി