തിരൂരങ്ങാടി : നൂറുല്‍ ഇസ്‌ലാം മദ്രസയില്‍ നിന്നും കെ.എന്‍.എം പൊതു പരീക്ഷയില്‍ ഉന്നത മാര്‍ക്ക് വാങ്ങിയ വിദ്യാര്‍ത്ഥികളെ അനുമോദിച്ചു. സംഗമത്തിന്റെ ഉദ്ഘാടനവും അവാര്‍ഡ് ദാനവും വാര്‍ഷിക ജനറല്‍ ബോഡിയും തിരൂരങ്ങാടി മുസ്ലിം ഓര്‍ഫനേജ് കമ്മിറ്റി സെക്രട്ടറി എം.കെ. ബാവ നിര്‍വ്വഹിച്ചു. സര്‍ഗ്ഗവേദിയുടെ ഉദ്ഘാടനം യതീംഖാന അഡ്മിസ്‌ട്രേറ്റീവ് ഓഫീസര്‍ എല്‍. കുഞ്ഞഹമ്മദ് മാസ്റ്റര്‍ നിര്‍വ്വഹിച്ചു.
പി.ടി.എ പ്രസിഡന്റ് പി.ഒ. ഹംസ മാസ്റ്റര്‍ അധ്യക്ഷത വഹിച്ചു. അനുമോദന പ്രസംഗവും റിപ്പോര്‍ട്ട് അവതരണവും മുനീര്‍ താനാളൂര്‍ നിര്‍വഹിച്ചു. വിദ്യാര്‍ത്ഥികളുടെ വിത്യസ്ഥങ്ങളായ കലാപരിപാടികളും നടന്നു. സദര്‍ മുദരിസ് അബു മാസ്റ്റര്‍, കാരാടന്‍ അബ്ദുല്‍ റഷീദ്, ഒ.പി. അനീസ് ജാബിര്‍,പി.ഫഹദ്, വി. അലി, ഖദീജ ,ജംഷീന, മുംതാസ്, സൈനബ,അനീസ് എന്നിവര്‍ പ്രസംഗിച്ചു.