എങ്ങോട്ടും ഒളിച്ചോടിയിട്ടില്ല, രാഹുലിനെതിരെ നിയപരമായ ഒരു പരാതിയും ലഭിച്ചിട്ടില്ല, ആരോപണം വന്നയുടനെ രാജിവച്ചു, രാജി ആവശ്യപ്പെടാന് അവര്ക്കെന്ത് ധാര്മികത ; ഷാഫി പറമ്പില്
കോഴിക്കോട്: രാഹുല് മാങ്കൂട്ടത്തില് വിഷയത്തില് ഒളിച്ചോടിയിട്ടില്ലെന്നും 'മുങ്ങി'യെന്ന പരാമര്ശം തെറ്റാണെന്നും ഷാഫി പറമ്പില് എംപി. ബിഹാറില് പോയത് പാര്ട്ടി ഉത്തരവാദിത്തത്തിന്റെ ഭാഗമായിട്ടാണ്. രാഹുലിനെതിരെ നിയമപരമായ ഒരു പരാതിയുമില്ലെന്നും ആരോപണം വന്നയുടന് തന്നെ രാഹുല് രാജി പ്രഖ്യാപിച്ചുവെന്നും ഷാഫി പ്രതികരിച്ചു. സ്ത്രീകളോടുള്ള മോശം പെരുമാറ്റമെന്ന ആരോപണങ്ങള്ക്കു പിന്നാലെ യൂത്ത് കോണ്ഗ്രസ് അധ്യക്ഷപദം രാഹുല് മാങ്കൂട്ടത്തില് എംഎല്എ രാജിവെച്ചതു സംബന്ധിച്ചു വടകരയില് മാധ്യമങ്ങളോട് പ്രതികരിക്കുകയായിരുന്നു അദ്ദേഹം.
രാഹുല് മാങ്കൂട്ടത്തില് സംഘടനാ ചുമതല ഒഴിഞ്ഞിട്ടും കോണ്ഗ്രസിനെ ചിലര് ധാര്മികത പഠിപ്പിക്കുകയാണ്. വിവാദങ്ങളില് കോണ്ഗ്രസ് നിര്വീര്യമാകില്ലെന്നും ഷാഫി പറഞ്ഞു. രാജി ആവശ്യപ്പെടാന് സിപിഎമ്മിനും ബിജെപിക്കും ധാര്മികതയെന്തെന്നും ഷാഫി പറമ്പില് ചോദിച്ചു. സര്ക്കാരിന്റെ പരാജയങ്ങള...
