റീൽസ് തയ്യാറാക്കാം ക്യാഷ് അവാർഡ് നേടാം
ജനുവരി 14, 15 തീയതികളിലായി കൊച്ചിൻ സർവകലാശാലയിൽ നടക്കുന്ന അന്താരഷ്ട്ര ഉന്നത വിദ്യാഭ്യാസ കോൺക്ലേവിന്റെ ഭാഗമായി കോളേജ് / സർവകലാശാലാ വിദ്യാർഥികൾക്ക് വീഡിയോ / റീൽസ് നിർമാണ മത്സരം സംഘടിപ്പിക്കുന്നു. തിരഞ്ഞെടുക്കപ്പെട്ട 25 വീഡിയോകൾ കോൺക്ലേവിൽ പ്രദർശിപ്പിക്കുകയും ഏറ്റവും മികച്ച അഞ്ചു വീഡിയോകൾക്ക് 10,000/- രൂപയും പ്രശസ്തി പത്രവും സമ്മാനിക്കുകയും ചെയ്യും. ഫോൺ : 0471 2301290. വിശദ വിവരങ്ങൾക്ക് https://keralahighereducation.com/ .
പി.ആർ. 1790/2024
സി സോൺ കലോത്സവം
കാലിക്കറ്റ് സർവകലാശാലാ സി സോൺ കലോത്സവം 2025 ജനുവരി 19 മുതൽ 23 വരെ നടത്താൻ നിശ്ചയിച്ചതായി സർവകലാശാലയിലെ വിദ്യാർഥി ക്ഷേമ വിഭാഗം ഡീൻ അറിയിച്ചു. സി സോൺ കലോത്സവത്തിന് ആതിഥേയത്വം വഹിക്കാൻ താത്പര്യമുള്ള മലപ്പുറം ജില്ലയിലെ കോളേജുകൾ ഡിസംബർ 13-നകം വിദ്യാർഥി ക്ഷേമ വിഭാഗം ഓഫിസുമായി ബന്ധപ്പെടേണ്ടതാണ്.
പി.ആർ. 1791/2024
പരീക്ഷ റദ്ദാക്കി
അഫിലിയേറ്റഡ് കോളേജുകളിൽ ഡിസംബർ രണ്ടിന് നടത്തിയ ഒന്നാം സെമസ്റ്റർ (CUFYUGP – 2024 പ്രവേശനം) Course HIS1MN115 – Gender History – Minor 2, (QP Code D 112973) നവംബർ 2024 റഗുലർ പരീക്ഷ റദ്ദാക്കി. പുനഃപരീക്ഷ ഡിസംബർ 16-ന് നടത്തും. സമയം രാവിലെ 10 മണി. പരീക്ഷാ കേന്ദ്രത്തിന് മാറ്റമില്ല.
പി.ആർ. 1792/2024