ട്രോളിങ് നിരോധനം നാളെ അര്ദ്ധരാത്രി മുതല്: നിയമം ലംഘിച്ചാല് ബോട്ടുകള് പിടിച്ചെടുക്കും
ട്രോളിങ് നിരോധനം ജില്ലയില് കാര്യക്ഷമമായി നടപ്പാക്കുന്നതിനായി ഫിഷറീസ് വകുപ്പിന്റെ പൂര്ണ സജ്ജീകരണം. കേരള മറെന് ഫിഷറീസ് റെഗുലേഷന് ആക്ട് പ്രകാരം 52 ദിവസത്തേക്കുള്ള ട്രോളിങ് നിരോധനം നാളെ (ജൂണ് ഒന്പത്) അര്ദ്ധരാത്രി നിലവില് വരും. കടലിലെ മത്സ്യ സമ്പത്ത് വര്ധിപ്പിക്കുന്നതായുള്ള മത്സ്യബന്ധന നിയന്ത്രണങ്ങള് നല്ല നിലയില് നടപ്പാക്കാന് എല്ലാനടപടികളും പൂര്ത്തിയാക്കിയതായി ഫിഷറീസ് ഡെപ്യൂട്ടി ഡയറക്ടര് ബേബി ഷീജ കോഹൂര് പറഞ്ഞു.ഉപരിതല മത്സ്യ ബന്ധനത്തിന് തടസമില്ലാത്ത സാഹചര്യത്തില് ചെറുവള്ളങ്ങള്ക്ക് കടലില് പോവാം. എന്നാല് ആഴക്കടല് മത്സ്യ ബന്ധനത്തിന് വിലക്കുള്ളതിനാല് വലിയ ബോട്ടുകള് കടലില് പോകുന്നത് തടയാന് ആവശ്യമായ നടപടികളാണ് ഫിഷറീസ് വകുപ്പ് ഉദ്യോഗസ്ഥര് സ്വീകരിച്ചത്. ഇതിന്റെ ഭാഗമായി വലിയ വള്ളങ്ങള്ക്ക് ഇന്ധനം നല്കരുതെന്ന് ഔദ്യോഗികമായി തന്നെ ഡീസല് ബങ്ക് ഉടമകള്ക്ക് നിര്ദേശം നല്കിയതായി ഫിഷറ...
