വേങ്ങര: കുറ്റൂര്‍ നോര്‍ത്ത് കെ.എം എച്ച് എസ് സ്‌കൂളില്‍ പുതുതായി നിര്‍മ്മിച്ച ഹെല്‍ത്ത് കോര്‍ണര്‍ ഉദ്ഘാടനം ചെയ്തു. സ്‌കൂളിന്റെ നൂറാം വാര്‍ഷികത്തോടനുബന്ധിച്ച് കുട്ടികളുടെ ആരോഗ്യ സംരക്ഷണത്തിന് വേണ്ടിയാണ് ഹെല്‍ത്ത് കോര്‍ണര്‍ നിര്‍മ്മിച്ചിരിക്കുന്നത്. ഉദ്ഘാടന കര്‍മ്മം ഡോക്ടര്‍ അരവിന്ദാക്ഷന്‍ നിര്‍വഹിച്ചു
സ്‌കൂള്‍ മാനേജര്‍ കെ. പി അബ്ദുള്‍ മജീദ് അദ്ധ്യക്ഷം വഹിച്ച ചടങ്ങില്‍ 40 വര്‍ഷത്തിലേറെയായി എ ആര്‍ നഗര്‍ കുറ്റൂര്‍ നോര്‍ത്ത് പ്രദേശത്ത് നിസ്വാര്‍ത്ഥ സേവനം അനുഷ്ഠിച്ചു വരുന്ന ഡോക്ടര്‍ അരവിന്ദാക്ഷനെ ആദരിക്കലും,ഡോക്ടര്‍ മുഹമ്മദ് കുട്ടി നയിച്ച പ്രഥമ ശുശ്രൂഷക്ലാസും നടന്നു.
പ്രിന്‍സിപ്പാള്‍ ഇന്‍ചാര്‍ജ് ഷാജന്‍ ജോര്‍ജ്, വാര്‍ഡ് മെമ്പര്‍ ഉമ്മര്‍കോയ കെ.വി, വേങ്ങര പി എച്ച് എസ് സി അസിസ്റ്റന്റ് സര്‍ജന്‍ ഡോക്ടര്‍ ഈസാ മുഹമ്മദ്, കുന്നുംപുറം ജൂനിയര്‍ ഹെല്‍ത്ത് ഇന്‍സ്‌പെക്ടര്‍ നാസര്‍ അഹമ്മദ്, അലുമ്‌നി പ്രതിനിധികളായ കുഞ്ഞഹമ്മദ് മാസ്റ്റര്‍, കെ.സി അബ്ദുറഹിമാന്‍, പിടിഎ പ്രസിഡന്റ് ഫൈസല്‍ പി, ഹെഡ്മാസ്റ്റര്‍ പി സി ഗിരീഷ് കുമാര്‍, ഹെല്‍ത്ത് കോര്‍ണര്‍ ഇന്‍ചാര്‍ജ് അഞ്ജന ടീച്ചര്‍ എന്നിവര്‍ സംസാരിച്ചു.