മൂന്നിയൂര്‍ ജി. യു. പി സ്‌കൂള്‍ കായികമേള സംഘടിപ്പിച്ചു. മൂന്നിയൂര്‍ പഞ്ചായത്ത് സ്റ്റേഡിയത്തില്‍ വെച്ചാണ് കായിക മേള നടന്നത്. ഉദ്ഘടന ചടങ്ങില്‍ വാര്‍ഡ് മെമ്പര്‍ ചാന്ത് അബ്ദുസ്സമദ്, പി. ടി. എ പ്രസിഡന്റ് സി. പി ഹംസ, വൈ. പ്രസിഡന്റ് എന്‍. ലതീന്ദ്രന്‍ എന്നിവര്‍ ചേര്‍ന്ന് ഫ്‌ലാഗ് ഓഫ് ചെയ്തു. വൈകുന്നേരം നടന്ന സമാപന ചടങ്ങില്‍ പി. ടി. എ പ്രസിഡന്റ് അധ്യക്ഷത നിര്‍വഹിച്ചു. വാര്‍ഡ് മെമ്പര്‍ അബ്ദുസ്സമദ് ചാന്ത് ഉദ്ഘാടനം ചെയ്തു.
സ്‌കൂള്‍ വികസന സമിതി ചെയര്‍മാന്‍ ഡോ. ഷബീര്‍, പി. ടി. എ എക്‌സികുട്ടീവ് അംഗങ്ങളായ ഹനീഫ എം. വി, നൗഷാദ് കെ. വി, ആഷര്‍ ക്ലബ് പ്രതിനിധി ഖലീല്‍ തുടങ്ങിയവര്‍ വിജയികള്‍ക്ക് മെഡല്‍ നല്‍കി.സ്‌കൂള്‍ കായിക അധ്യാപിക ബബിഷ ടീച്ചര്‍ക്ക് സ്റ്റാഫ് നല്‍കുന്ന ഉപഹാരം വാര്‍ഡ് മെമ്പറും പി. ടി. എ പ്രസിഡന്റ്‌റും ഹെഡ്മിസ്ട്രസും ചേര്‍ന്ന് കൈമാറി.നാലാം ക്ലാസ് വിദ്യാര്‍ത്ഥിനി ആരാദ്യ, ഏഴാം ക്ലാസ് വിദ്യാര്‍ത്ഥി ഇംതിയാസ് വ്യക്തിഗത ചമ്പ്യന്മാരായി. കായിക മത്സരങ്ങള്‍ക്ക് അധ്യാപകര്‍ നേതൃത്വം നല്‍കി. ഹെഡ്മിസ്ട്രസ് അംബികാ ദേവി ടീച്ചര്‍ സ്വാഗതവും സ്റ്റാഫ് സെക്രട്ടറി ഷബീബ് മാസ്റ്റര്‍ നന്ദിയും പ്രകാശിപ്പിച്ചു.