എ ആർ നഗർ: കുന്നുംപുറത്ത് ആറരക്കിലോ കഞ്ചാവു സൂക്ഷിച്ചതിന് യുവാവ് പിടിയില്‍. ഒരാള്‍ ഓടിരക്ഷപ്പെട്ടു. കുന്നുംപുറം അത്തോളി വീട്ടില്‍ സലീം(45)നെയാണ് മലപ്പുറം എക്സൈസ് എന്‍ഫോഴ്‌സ്‌മെന്റ് ആന്‍ഡ് ആന്റി നര്‍ക്കോട്ടിക് സ്‌പെഷ്യല്‍ സ്‌ക്വാഡ് അറസ്റ്റ് ചെയ്തത്. കുന്നുംപുറത്തെ കുടുംബരോഗ്യ കേന്ദ്രത്തിനു എതിര്‍ വശത്തെ കെട്ടിടത്തിന്റെ പിൻവശത്ത് നിന്നാണ് കഞ്ചാവ് കണ്ടെടുത്തത്.
കേസില്‍ കുന്നുംപുറം അത്തോളി വീട്ടില്‍ സലിമിനെ ഒന്നാം പ്രതിയായും സംഭവ സ്ഥലത്ത് നിന്നോടിപോയ പള്ളിക്കല്‍ കൂനോള്‍മാട് തള്ളശ്ശേരി അബ്ദു റഹ്‌മാനെ രണ്ടാം പ്രതിയാക്കിയും കേസ് രജിസ്റ്റര്‍ ചെയ്തു.
മലപ്പുറം എക്സൈസ് എന്‍ഫോസ്മെന്റ് & ആന്റി നാര്‍കോട്ടിക് സ്‌പെഷ്യല്‍ സ്‌ക്വാഡും, എക്സൈസ് ഇന്റലിജിന്‍സ് വിഭാഗവും, ഉത്തരമേഖല സ്‌ക്വാഡും സംയുക്തമായി നടത്തിയ റെയ്ഡില്‍ എക്സൈസ് ഇന്‍സ്‌പെക്ടര്‍മാരായ ഒ.മുഹമ്മദ് അബ്ദുല്‍ സലീം, ടി ഷിജുമോന്‍, മുഹമ്മദ് ഷഫീഖ്, പ്രവന്റീവ് ഓഫീസര്‍മാരായ വി.മുരളി, എന്‍.അബ്ദുല്‍ വഹാബ്, പ്രകാശ്.പി, ടി സന്തോഷ്, കെ പ്രദീപ് കുമാര്‍, സിവില്‍ എക്സൈസ് ഓഫീസര്‍മാരായ സഫീറലി. അരുണ്‍, അഖില്‍ ദാസ് എന്നിവരും പങ്കെടുത്തു.
ഈ മാസം രണ്ടാം തിയ്യതി കുന്നും പുറത്ത്‌നിന്നും 4.600കി ഗ്രാം കഞ്ചാവുമായി അബ്ദു റഹീം എന്നയാളെ തിരുരങ്ങാടി എക്‌സ്സൈസ് സര്‍ക്കിള്‍ പാര്‍ട്ടി അറസ്റ്റ് ചെയ്ത് കേസ് എടുത്തിരുന്നു.