![](https://tirurangaditoday.in/wp-content/uploads/2024/07/yellow-fever.jpg)
കൊണ്ടോട്ടി : പുളിക്കല് പഞ്ചായത്തിലെ അരൂര് എ എം യു പി സ്കൂളിലെ 50 ലധികം വിദ്യാര്ത്ഥികള്ക്ക് മഞ്ഞപ്പിത്തം ബാധിച്ചു. 59 പേര്ക്കാണ് മഞ്ഞപ്പിത്തം ബാധിച്ചത്. ഇതിനെ തുടര്ന്ന് ആരോഗ്യവകുപ്പിന്റെയും വിദ്യാഭ്യാസ വകുപ്പിന്റെയും നിര്ദ്ദേശത്തെ തുടര്ന്ന് സ്കൂള് അടച്ചു. ജൂലൈ 29 വരെയാണ് സ്കൂള് അടച്ചത്. അതേസമയം പഞ്ചായത്തില് മഞ്ഞപ്പിത്തം പടരുകയാണ്. പഞ്ചായത്തിന്റെ വിവിധ ഭാഗങ്ങളില് നിന്നായി 102 പേര്ക്ക് ഇതുവരെ മഞ്ഞപ്പിത്തം ബാധിച്ചതായാണ് റിപ്പോര്ട്ട്.
ഇതരസംസ്ഥാന തൊഴിലാളികള് വളരെ കുറവായ അരൂര് മേഖലയില് തദ്ദേശീയരില് തന്നെയാണ് രോഗബാധ കണ്ടെത്തിയിരിക്കുന്നത്. രോഗം വ്യാപിക്കുന്ന സാഹചര്യത്തില് പുളിക്കല് കുടുംബാരോഗ്യ കേന്ദ്രത്തിന്റെയും ഗ്രാമ പഞ്ചായത്തിന്റെയും ആരോഗ്യ പ്രവര്ത്തകരുടെയും നേതൃത്വത്തില് പ്രതിരോധ പ്രവര്ത്തനങ്ങള് ഊർജിതമാക്കിയിട്ടുണ്ട്.