സുഹൃത്തുക്കൾക്കൊപ്പം സ്കൂട്ടറിൽ വയനാട്ടിലേക്ക് ടൂർ പോയ കോളജ് വിദ്യാർത്ഥി മരിച്ചു
തിരൂരങ്ങാടി: സുഹൃത്തുക്കൾക്കൊപ്പം വയനാട്ടിലേക്ക് ടൂർ പോയ കോളജ് വിദ്യാർത്ഥി സ്കൂട്ടർ അപകടത്തിൽ മരിച്ചു. നന്നമ്പ്ര കുണ്ടൂർ ജയറാംപടി സ്വദേശി ഉപ്പുംതറ മുഹമ്മദ് സലീമിൻ്റെ മകൻ മുഹമ്മദ് അജ്സൽ (20) ആണ് മരിച്ചത്. സഹയാത്രികൻ കുണ്ടൂർ അത്താണിക്കൽ സ്വദേശി പുളിക്ക പറമ്പിൽ അബ്ദുൽ സലീമിന്റെ ഇസ്മായിൽ (20) ന് ഗുരുതര പരിക്കേറ്റു. ഇരുവരേയും മാനന്തവാടി മെഡിക്കൽ കോളേജിൽ പ്രവേശിപ്പിച്ചെങ്കിലും അജ്സൽ മരണപ്പെടുകയായിരുന്നു. വയനാട് മാനന്തവാടി വള്ളിയൂർക്കാവ് ഫയർ ഫോഴ്സ് നിലയത്തിന് മുൻവശത്ത് വെച്ചാണ് അപകടം. സ്കൂട്ടർ റോഡിരികിലെ സുരക്ഷാ ഭിത്തിയിൽ ഇടിച്ചാണ് അപകടം. അജ്‌സലും 10 സുഹൃത്തുക്കളും 5 ഇരുചക്ര വാഹനത്തിൽ വയനാട് സന്ദർശിക്കാനെത്തിയതായിരുന്നു. ഇന്ന് ഉച്ചയോടെയാണ് അപകടം.അജ്സലിന്റെ മാതാവ്: സുഹ്‌റ, സഹോദരങ്ങൾ: സിയാൻ, ഷഹാന ഷെറി.അജ്സൽ കോഴിക്കോട് മീഞ്ചന്ത ഗവൺമെൻറ് ആർട്സ് ആൻഡ് സയൻസ് കോളേജിലെ ബിരുദ വിദ്യാർത്ഥിയാണ്.മാനന്തവാടി...
